Бибылты Анатолий ӕмӕ Башар Асад

Бибылты Анатолий раарфӕ кодта Башар Асадӕн президентон ӕвзӕрстыты уӕлахизы фӕдыл

11
(ранӕуӕггонд 11:33 28.05.2021)
Сириаг Арабаг Республикӕйы хатдзӕгтӕ скодтой бӕстӕйы президенты ӕвзӕрстытӕн – Сирийы адӕм равзӕрстой Башар Асады радон авдазон ӕмгъуыдмӕ

ЦХИНВАЛ, 28 май - Sputnik. Хуссар Ирыстоны сӕргълӕууӕг Бибылты Анатолий раарфӕ кодта Башар Асадӕн Сириаг Арабаг Республикӕйы президентон ӕвзӕрстыты уӕлахизы фӕдыл.

Президентон ӕвзӕрстытӕ Сирийы ацыдысты 26 майы. Башар Асад, кӕцы у Сирийы сӕргълӕууӕг 2000 азӕй фӕстӕмӕ, райста хъӕлӕсты 95,1 проценты ӕмӕ рамбылдта президентон ӕвзӕрстыты.

"Дӕ уӕлахиз ӕвзӕрстыты равдыста, ӕхсӕнад кӕй аргъ кӕны Дӕ сгуыхтдзинӕдтӕн бӕстӕйы раз, афтӕ ма адӕмы бӕрзонд ӕууӕнк Дӕ программӕйӕн, кӕцы здӕхт у бӕстӕйы райрӕзтмӕ", - дзырдӕуы Бибылты Анатолийы арфӕйы.

Хуссарирыстойнаг лидер фидарӕй загъта, дыууӕ бӕстӕйы хсӕн хӕларадаон ахастытӕ дарддӕр кӕй фидар кӕндзысты ӕмӕ райтынг уыдзысты. Паддзахады сӕргълӕууӕджы цӕст бауарзта САР президентӕн ног ӕнтыстытӕ, сириаг адӕмӕн та сабырдзинад ӕмӕ хӕрзӕбон.

Дамаск банымадта Хуссар Ирыстон ӕмӕ Абхазы хӕдбардзинад 2018 азы майы. Сириаг Арабаг Республикӕйы кусӕгон балцы уыд президент Бибылты Анатолий, бӕстӕтӕ сфидар кодтой дипломатон ахастытӕ ӕмӕ бафыстой цалдӕр бадзырды. 2019 азы августы САР ӕмӕ РХИ бафыстой бадзырд дыууӕ бӕстӕйы территорийыл базарадон хӕдзӕрттӕ бакӕныны фӕдыл.

11
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

2
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

2
Цхинвалы паддзахадон ӕртагкӕнӕн станц

Хуссар Иры азы райдианӕй фӕстӕмӕ дыккаг хатт схызт ӕртаджы аргъ

4
(ранӕуӕггонд 14:39 15.06.2021)
Унитарон куыстуат "Югосетнефтепродукт" дыццӕгӕй ӕртаг уӕй кӕны ног ӕргътӕм, хисӕрмагонд ӕртагкӕнӕн станцты та фӕфылдӕргон тарифтӕ бахастой цалдӕр боны размӕ

ЦХИНВАЛ, 15 июн – Sputnik, Козаты Диана. Хуссар Ирыстоны паддзахадон ӕртагкӕнӕн станцты АИ-92 бензины аргъ схызт ӕртӕ сомы, ныр йӕ литр уӕй цӕудзӕн адӕмӕн 43 сомӕй, уагдӕттӕн та - 45 сомӕй.

Азы райдианӕй бензины аргъ фӕфылдӕр ныр дыккаг хатт. Уалдзӕджы ӕргътӕфӕфылдӕр сты цыппар сомы (36-ӕй ӕртаг схызт 40 сомы онг). Фӕлӕ кӕд уалдзӕджы дизелон ӕртаджы аргъ не схызт, уӕд абонӕй фӕстӕмӕ та фӕзынаргъдӕр ис иу сом - ныр у 44 сомы, фехъусын кодта "Югосетнефтепродукт"-ы гендиректор Джыгкайты Сослан.

"Ӕртаджы ӕргъты фӕфылдӕр аххосаг у, ӕввонггӕнджытӕм дӕр кӕй фӕзынаргъдӕр ис, уый", - бамбарын кодта уый.

Республикӕйы хицауады дӕр ӕрхастой ацы аххосаг ӕртаджы фӕзынаргъы тыххӕй.

Хисӕрмагонд ӕртагкӕнӕн станцты, кӕй зӕгъын ӕй хъӕуы, бензин ӕмӕ дизелон ӕртаджы аргъ у зынаргъдӕр паддзахадонтӕм абаргӕйӕ.

Частная автозаправка в Цхинвале
© Sputnik / Диана Козаева
Цхинвалы хисӕрмагонд ӕртагкӕнӕн станц
4