Цхуырбаты Татьяна

Хуссар Иры сывӕллӕтты омбудсмен радзырдта йӕ сӕйраг нысаны тыххӕй

15
(ранӕуӕггонд 14:09 28.05.2021)
Сывӕллӕтты барты фӕдыл ӕххӕстбарджыны ныхӕстмм гӕсгӕ, республикӕйы ис тынг бирӕ сахъат сабитӕ, кӕцытӕн нӕй бынтондӕр ницы уавӕртӕ

ЦХИНВАЛ, 28 май – Sputnik, Козаты Диана. Хуссар Ирыстоны сывӕллӕтты омбудсмен Цхуырбаты Татьяна радзырдта, йӕ сӕйраг нысаныл кӕй нымайы сахъат сабитӕн ӕххуыс кӕнын.

Сывӕллӕтты хъахъхъӕныны ӕхсӕнадӕмон боны размӕ Sputnik ацыд пресс-конференци омбудсмены, афтӕ ма волонтер Дыгъуызты Вадим ӕмӕ сывӕллӕтты ӕхсӕнадӕмон советы уӕнг Джиоты Тимуры хайадистӕй.

"Сывӕллӕттӕ-инвалидтӕ. Махмӕ уыдонӕн бынтондӕр ницы ис. Нӕй сын ӕхсӕнад,инклюзивон ахуырад. Уыдон сты сӕ хӕдзӕртты амынӕты, уыдоны тӕрсынц ӕддӕмӕ ракӕнын. Уый фӕдыл нӕ фӕнды, цӕмӕй сын арӕзт ӕрцӕуа хорз ӕнцонвадат ӕхсӕнад, кӕцы хынцдзӕн, сахъат сабиты цы хъӕуы, уыдӕттӕ", - радзырдта Цхуырбаты Татьяна.

Уый банысан кодта, зӕгъгӕ, хъыгагӕн, уыдон республикӕйы кӕй сбирӕ сты, ӕмӕ сын бынаты уавӕртӕ кӕй нӕй, уымӕ гӕсгӕбинонтӕ фылдӕр хатт ацӕуынц цӕрынмӕ Уӕрӕсемӕ.

"Мӕ бон нӕу дырысӕй зӕгъын сахъат сывӕллӕтты нымӕц, уый ивы ӕдзухдӕр, фӕлм бирӕ кӕй сты - уый у факт. Ахӕм сабитӕн баххуыс кӕнын - мӕ фыццаг нысан", - бахахх кодта омбудсмен.

Уый ма радзырдта, тынг бирӕ бинонтӕ йӕ кӕй ӕрбахатынц цӕрӕнуатон проблемӕимӕ.

Уӕлдай хъусдард ма, адарддӕр кодта Цхуырбаты Татьяна, домынц хистӕр кары сывӕллӕттӕ дӕр.

"Уыд нӕм стыр проблемӕ - электронон сигаретӕтӕ. Мах уагътам фембӕлдтӕ, нахас кодтам хистӕр кары сывӕллӕттимӕ, тобӕ сӕвӕрдтам уыдон ӕнахъомтӕн уӕй кӕныныл. Мӕ хъуыдымӕ гӕсгӕ, мах хъӕуы бакусын сывӕллӕттӕн социалон программӕтыл. Ацы хъуыддаг нӕм тынг лӕмӕгъ ӕмвӕзадыл ис ӕмӕ йыл хъӕуы басӕттын. Куыннӕ ӕркӕсӕм фӕсивӕды хъуыддӕгтӕм, уӕд нӕ проблемӕтӕ кӕндзысты фылдӕрӕй фылдӕр", - бафтыдта уый.

Уыимӕ ма ӕххӕстбарджын банысан кодта, ацы хъуыддӕгтӕ иу адӕймаджы бӕрны кӕй ма хъуамӕ уой, уымӕн ӕмӕ сты глобалон фарстытӕ.

15
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3
Цхинвалы паддзахадон ӕртагкӕнӕн станц

Хуссар Иры азы райдианӕй фӕстӕмӕ дыккаг хатт схызт ӕртаджы аргъ

4
(ранӕуӕггонд 14:39 15.06.2021)
Унитарон куыстуат "Югосетнефтепродукт" дыццӕгӕй ӕртаг уӕй кӕны ног ӕргътӕм, хисӕрмагонд ӕртагкӕнӕн станцты та фӕфылдӕргон тарифтӕ бахастой цалдӕр боны размӕ

ЦХИНВАЛ, 15 июн – Sputnik, Козаты Диана. Хуссар Ирыстоны паддзахадон ӕртагкӕнӕн станцты АИ-92 бензины аргъ схызт ӕртӕ сомы, ныр йӕ литр уӕй цӕудзӕн адӕмӕн 43 сомӕй, уагдӕттӕн та - 45 сомӕй.

Азы райдианӕй бензины аргъ фӕфылдӕр ныр дыккаг хатт. Уалдзӕджы ӕргътӕфӕфылдӕр сты цыппар сомы (36-ӕй ӕртаг схызт 40 сомы онг). Фӕлӕ кӕд уалдзӕджы дизелон ӕртаджы аргъ не схызт, уӕд абонӕй фӕстӕмӕ та фӕзынаргъдӕр ис иу сом - ныр у 44 сомы, фехъусын кодта "Югосетнефтепродукт"-ы гендиректор Джыгкайты Сослан.

"Ӕртаджы ӕргъты фӕфылдӕр аххосаг у, ӕввонггӕнджытӕм дӕр кӕй фӕзынаргъдӕр ис, уый", - бамбарын кодта уый.

Республикӕйы хицауады дӕр ӕрхастой ацы аххосаг ӕртаджы фӕзынаргъы тыххӕй.

Хисӕрмагонд ӕртагкӕнӕн станцты, кӕй зӕгъын ӕй хъӕуы, бензин ӕмӕ дизелон ӕртаджы аргъ у зынаргъдӕр паддзахадонтӕм абаргӕйӕ.

Частная автозаправка в Цхинвале
© Sputnik / Диана Козаева
Цхинвалы хисӕрмагонд ӕртагкӕнӕн станц
4