АрМИ-2020

Хуссар Иры Хъахъхъӕнынады министрад: "АрМИ-2021"-мӕ ацӕудзысты иууыл хуыздӕртӕ

6
(ранӕуӕггонд 14:10 01.06.2021)
Ӕвзарӕн ерысты хайад райсдзысты республикӕйы Хъахъхъӕнынады министрады алы дӕлхайады ӕфсӕддонтӕ, уыдонӕй иууыл хуыздӕртӕ ацӕудзысты "АрМИ-2021"-мӕ

ЦХИНВАЛ, 1 июн — Sputnik. Хуссар Ирыстоны Хъахъхъӕнынады министрад ауадздзӕн ӕвзарӕн фӕлварӕнтӕ Ӕхсӕнадӕмон ӕфсӕддон хъӕзтыты "АрМИ-2021" конкурсты хайад райсыны тыххӕй, хъусын кӕны уагдоны пресс-службӕ.

Ӕвзарӕн ерыстӕ ацӕудзысты июнь-июлы, уым хайад райсдзысты Хъахъхъӕнынады министрады алы дӕлхайады ӕфсӕддонтӕ.

"Ӕсхӕнадӕмон ӕфсӕддон-спортивон ерысты финалон этапты, кӕцытӕ ацӕудзысты Уӕрӕсейы Федерацийы алыгъуызон регионты, тох кӕндзысты РХИ Хъахъхъӕнынады министрады алы дӕлхайӕдты иууыл хуыздӕр ӕфсӕддонтӕ", - дзырдӕуы хъусинаджы.

Ӕвзарӕн ерысты рӕстӕджы пайда кӕндзысты Хъахъхъӕнынады министрады ахуырадон-материалон базӕйӕ, бафтыдтой уагдоны.

Хуссар Ирыстон ацы аз дыккаг хатт райсдзӕн хайад Ӕхсӕнадӕмон ӕфсӕддон хъӕзтыты, кӕцытӕ райдайдзысты августы ӕмӕ ацӕудзысты 15 бӕстӕйы территорийыл.

6
Ленингор

Хуссар Иры Ленингоры районы ссардтой нӕлгоймаджы мӕрдон буар

3
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

3
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3