Вакцинаци

Хуссар Иры коронавирусӕй прививкӕтӕ сарӕзтой 129 адӕймаджы

17
(ранӕуӕггонд 12:06 02.06.2021)
Уӕрӕсейаг вакцинӕ "Спутник V"-ы парти "дыууӕ мин дозӕйы" ӕрластой республикӕмӕ апрелы кӕрӕтты, уый фӕстӕ райдыдта вакцинацийы кампани

ЦХИНВАЛ, 2 июн – Sputnik, Тъехты Дзерассӕ. Хуссар Ирыстоны уӕрӕсейаг вакцинӕ "Спутник V"-ӕй прививкӕтӕ сарӕзтой 129 адӕймаджы, фехъусын кодта Sputnik республикӕйы сӕйраг терапевт Санахъоты Тамара. Йӕ ныхӕстӕм гӕсгӕ, вакцинацийы райдайӕнӕй антителаты фӕдыл туг радтой 587 адӕймаджы, уыдонӕй 153-йӕн не сбӕрӕг кодтой антителатӕ.

Санахъоты Тамара банысан кодта, вакцинӕйы дыккаг компонентӕй прививкӕ кӕй сарӕзтой 13 адӕймаджы. Ӕмӕ ӕрвылбон сӕ нымӕцы фылдӕр кӕны.

"Ӕхсӕнады коллективон иммунитеты тыххӕй нырма раджы у дзурын, хъӕуы басгарын бирӕ адӕмы. Фӕлӕ нӕ уый фӕдыл ныфс ис абоны бӕррӕггӕнӕнтыл ӕнцойгӕнгӕйӕ", - загъта уый.

Санахъоты Тамара бахахх кодта, 129 адӕймагӕй, кӕцытӕ сарӕзтой прививкӕтӕ, фондз адӕймаджы хъаст кодтой се ‘нӕниздзинады уавӕрӕй иу-дыууӕ боны дӕргъы.

Санахъоты Тамарайы ныхӕстӕм гӕсгӕ, медицинон кусджытӕ ӕрвыл суткӕ сӕ хъус дарынц прививкӕ чи сарӕзта, уыцы адӕммӕ, ӕмӕ алыхатт дӕр цӕттӕ сты дзуапп раттын сӕ фарстытӕн.

"Фыццаг дыууӕ бон сӕм мах ӕнӕмӕнг бадзурӕм. Уый фӕстӕ цӕттӕ стӕм баххуыс кӕнын кӕдфӕндыдӕр", - загъта терапевт.

Афтӕ ма, вакцинацимӕ ӕрбаиу сты Хуссар Ирыстоны Знауыры ӕмӕ Дзауы районтӕ. Уӕрӕсейаг вакцинӕ "Спутник V"-ы парти "дыууӕ мин дозӕйы" ӕрластой республикӕмӕ апрелы кӕрӕтты, вакцинацийы кампани та райдыдта 3 майы.

17
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3