Дзауы районы бирӕуӕладзыгон хӕдзар цалцӕг ӕрцӕудзӕн 2022 азы

Дзауы районы бирӕуӕладзыгон аварион хӕдзар цалцӕг ӕрцӕудзӕн 2022 азы

11
(ранӕуӕггонд 12:54 03.06.2021)
Фондзуӕладзыгон 20-фатерон хӕдзар арӕзт ӕрцыд 1989 азы ӕмӕ зынгӕ бахъыгдард ис 1992 азы зӕххӕнкъуысты рӕстӕджы

ЦХИНВАЛ, 3 июн — Sputnik, Плиты Фатимӕ. Хуссар Ирыстоны Дзауы районы фондзуӕладзыгон хӕдзар, кӕцы нымадтой аварионыл, капиталон ӕгъдауӕй цалцӕг ӕрцӕудзӕн 2022 азы. Уымӕн разыдзинад радта Уӕрӕсейӕ ӕрхонгӕ организаци, фехъусын кодта Sputnik районы администрацийы хистӕр Джиоты Андрей.

Хуссар Иры Дзауы районы байуардзысты 36 фатеры
© Photo : Пресс-служба Дзауского района

Фондзуӕладзыгон 20-фатерон хӕдзар арӕзт ӕрцыд 1989 азы ӕмӕ зынгӕ бахъыгдард ис 1992 азы зӕххӕнкъуысты рӕстӕджы. Хӕдзары цӕрджытӕ сӕ проблемӕйы тыххӕй цыдысты бирӕ инстанцитӕм. Ивгъуыд азы кӕрон сын уыд фембӕлд паддзахады разамонӕг Бибылты Анатолийимӕ. Уӕд аскъуыддзаг кодтой ӕрхонын Уӕрӕсейӕ эксперттӕ, кӕцытӕ сахуыр кӕной бӕстыхайы уавӕр.

Районы хистӕры ныхӕстӕм гӕсгӕ, бӕстыхай уавӕр сахуыр кодта Уӕрӕсейы раззагон организацитӕй иу.

"Севосетпроект"-ы хатдзӕгмӕ гӕсгӕ бӕстыхай у ӕдас, фӕлӕ домы капиталон цалцӕг. Ӕддейӕ бакастӕй йыл тынг нӕ зыны, фӕлӕ мидӕгӕй тынг хъыгдард у. Цӕрджытӕ бахатыдысты президентмӕ, цӕмӕй хӕдзар цалцӕг ӕрцӕуа, уый хаст ӕрцыд Инвестицион нывӕзтмӕ", - загъта Джиоты Андрей.

Уый банысан кодта, хӕдзар ма иу хатт кӕддӕр кӕй ӕрцыд цалцӕг - раивтой йын йӕ агъуыст ӕмӕ фӕрсӕгтӕ. 20 фатеры цӕры ӕрмӕст авд бинонтӕ.

11
Коронавирус

Хуссар Иры иу суткӕмӕ сбӕрӕг кодтой 88 ног рынчыны коронавирусӕй

4
(ранӕуӕггонд 14:53 19.10.2021)
Бон раздӕр республикӕйы сбӕрӕг кодтой 93 ног рынчыны коронавирусӕй, пандемийы рӕстӕджы COVID-19 ӕдӕппӕт бахӕцыд 7678 адӕймагыл

ЦХИНВАЛ, 19 окт - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы рабӕрӕг кодтой 88 ног рынчыны коронавирусӕй, фехъусын кодта дыццӕджы Sputnik Югосетпотребнадзоры сӕргълӕууӕг Коцты Марина.

"Нӕ лабораторийы къуырисӕры сарӕзтӕуыд 253 иртӕсты, уыдонӕй COVID-19 сбӕрӕг кодтой 88 адӕймагӕн. Медицинон хыгъдӕй систой 46 пациенты. Медикты хъусдарды бын ма сты 1860 адӕймаджы", - радзырдтой уагдоны.

Абоны онг коронавирусӕй ӕдӕппӕт сӕнӕниз сты 5818 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 42 952 иртӕстӕй фылдӕр, уыдонӕй ӕвӕрццаг фӕстиуӕг равдыстой 7678. 

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

4
ХИПУ

ХИПУ ректор радзырдта, куыд кусдзӕн университет карантины рӕстӕджы

5
(ранӕуӕггонд 13:57 19.10.2021)
Бон раздӕр коронавирусы ныхмӕ тохы фӕдыл оперштаб аскъуыддзаг кодта Хуссар Ирыстоны ахуырадон уагдӕттӕ сӕхгӕнын карантиныл, COVID-19-ӕй рынчынты нымӕц бирӕбӕрцӕй кӕй фӕфылдӕр, уый тыххӕй

ЦХИНВАЛ, 19 окт – Sputnik, Тъехты Дзерассӕ. Хуссар Ирыстоны паддзахадон университеты (ХИПУ) ректорат ӕмӕ хицӕн структурӕтӕ адарддӕр кӕндзысты сӕ куыст арӕнӕвӕрд уавӕрты дыууӕкъуырион карантины аххосӕй, фехъусын кодта уагдоны ректор Тедеты Вадим.

"Ректорат ӕмӕ йӕ службӕты, афтӕ ма деканаттӕ ӕмӕ ӕндӕр структурӕты бакодтам радгӕсад. Алы службӕ дӕр – архиф, кадрты хайад, канцелярии, бухгалтерии ӕмӕ ӕндӕрты – иууылдӕр кусдзысты фӕйнӕ иу кӕнӕ цалдӕр адӕймаджы 10.00 -14.00 сахаты онг", - загъта ректор.

Уый бафтыдта, ахуырадон процесс университеты кӕй сног уыдзӕн ӕххӕстбӕрцӕй 1 ноябры, кӕд республикӕйы карантинон арӕнӕвӕрдтӕ нӕ адарддӕр уой, уӕд.

"Карантины рӕстӕджы цы дыууӕ къуыри фесафӕм, уыдон бафтаудзыстӕм фыццаг семестра кӕронмӕ. Адарддӕр кӕндзыстӕм семестр фаронау. Аудиторон ахуыртӕ уагъд ӕрцӕудзысты ӕххӕстбӕрцӕй. Дистанцион формӕ нӕм нӕ уыдзӕн", - бахахх кодта ректор.

Фӕсаууонмӕ хайады студенттӕн дӕр, бафтыдта Тедеты Вадим, ацы дыууӕ къуыри бафтаудзысты уалдзыгон сессимӕ.

Бон раздӕр коронавирусы ныхмӕ тохы фӕдыл оперштаб аскъуыддзаг кодта Хуссар Ирыстоны ахуырадон уагдӕттӕ сӕхгӕнын карантиныл, COVID-19-ӕй рынчынты нымӕц бирӕбӕрцӕй кӕй фӕфылдӕр, уый тыххӕй.

5
Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

0
(ранӕуӕггонд 15:39 19.10.2021)
Уӕлӕмхасӕн 28,3 миллиард сомы ацӕудзысты 3-7 азы кары сывӕллӕттимӕ бинонтӕн ӕххуысӕн, ноджы 5,9 миллиард сомы та рахицӕн кӕндзысты бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты

ЦХИНВАЛ, 19 окт — Sputnik. Уӕрӕсейаг бинонтӕн, кӕцыты хъомыл кӕнынц 3-7 азы кары сывӕллӕтты, рахицӕн кӕндзысты 28 миллиард сомӕй фылдӕр, хъусын кӕны РИА Новости.

Уӕрӕсейаг премьер Михаил Мишустины уынаффӕмӕ гӕсгӕ, дзырд цӕуы ӕрвылмӕйон фиддоныл, кӕцыйы бӕрцуат баст у бинонты астӕуккаг ӕфтиагыл.

Нысангонд ӕрцыд, бюджетӕй 2021 азы ацы мадзалӕн ныридӕгӕн рахицӕн кодтой 276 миллиард сомы. Уӕлӕмхасӕн фӕрӕзтӕ рахицӕн кӕндзысты хицауады фӕстауӕрцон фондӕй.

"Афтӕ ма бафыстой барамынд, цӕмӕй рахицӕн кӕной 5,9 миллиард сомы бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты. Уыдонӕн ма ис бар исын сӕрмагонд ӕрвылмӕйон фиддонтӕ, цалынмӕ сывӕллоныл ӕртӕ азы ма сӕххӕст уа", - дзырдӕуы хъусинаджы.

Хицауады куыд банысан кодтой, афтӕмӕй федералон бюджеты ацы нысӕнттӕн ис 59 миллиард сомӕй фылдӕр. Ныртӕккӕ ахӕм ӕххуыс исынц 620 мин бирӕсывӕллонджын бинонтӕ, уӕлӕмхасӕн фӕрӕзты руаджы та фиддонтӕ исдзысты ноджы 48 мин сывӕллоны ахӕм бинонты.

0