Хуссар Иры медцентр райста ифтонгад Ӕхсӕнадӕмон организацийӕ

© Sputnik / Наталья АйриянРБМЦ
РБМЦ - Sputnik Хуссар Ирыстон, 1920, 03.06.2021
Рафыссын
Ӕнӕниздзинад хъахъхъӕнынады министрады сӕйраг терапевты ныхӕстӕм гӕсгӕ, ифтонгад феххуыс уыдзӕн коронавирусы ныхмӕ вакцинаци уадзыны хъуыддаджы

ЦХИНВАЛ, 3 июн — Sputnik, Плиты Фатимӕ. Хуссар Ирыстоны республикон бирӕпрофилон медицинон центр райста ӕнӕмӕнгхъӕуӕг вакцинӕ дарӕн ифтонгад Ӕхсӕнадӕмон сырх дзуары комитеты бынӕттон миссийӕ, фехъусын кодта Sputnik РХИ Ӕнӕниздзинад хъахъхъӕнынады министрады сӕйраг терапевт Санахъоты Тамара.

Ифтонгад балхӕнынмӕ фӕкӕсыны тыххӕй ӕнхъарӕн Ӕнӕниздзинад хъахъхъӕнынады экс-министр Тотчиты Георгий сарӕзта мӕйы размӕ, медкластер ифтогады хицау баисты 30 майы.

"Ӕнӕмӕнгхьӕуӕг уыдис ифтонгад, бирӕ бӕрцӕй йӕ фӕрцы Хуссар Ирыстоны дӕрддзӕф районты цӕрджытӕн сӕ бон уыдзӕн рацӕуын коронавирусы ныхмӕ вакцинаци районон рынчындӕтты. Мах райстам ифтонгад вакцинӕ ӕмбӕлон уавӕрты дарынӕн ӕмӕ районтӕм хӕссынӕн", - загъта дохтыр.
Уæлахизы парады хайадисджыты вакцинаци - Sputnik Хуссар Ирыстон, 1920, 17.02.2021
Уæрæсейаг базæйы Хуссар Иры райдыдта Уæлахизы парады хайадисджыты вакцинаци

Йӕ ныхӕстӕм гӕсгӕ, ифтонгад ӕвӕрд ӕрцӕудзӕн столицӕ ӕмӕ районты.

"Ифтонгады нымӕцы сты микропроцессорон уазалгӕнӕн, кӕцы ӕвӕрд ӕрцыд поликлиникӕйы, стӕй ма ноджы ӕртӕ уазалгӕнӕн, уыдонӕй иу баззайдзӕн столицӕйы, аннӕ дыууӕ лӕвӕрд ӕрцӕудзысты Ленингор ӕмӕ Знауыры районы рынчындӕттӕн. Райстой 10 термоконтейнеры, кӕцытӕй спайда кӕнӕн ис цалдӕр хатты ӕмӕ хӕйттӕ", - бафтыдта уый.

Ног хабӕртты лентӕ
0