Хуссар Иры ӕрсиддонтӕ бавнӕлдтой службӕмӕ адаптацийы фыццаг этапмӕ

Хуссар Иры ӕрсиддонтӕ бавнӕлдтой службӕмӕ адаптацийы фыццаг этапмӕ

7
Ӕрсиддонтӕ цӕуынц райдайӕн ӕфсӕддон цӕттӕкӕнынад хъахъхъӕнынадон уагдоны ахуырадон центры

ЦХИНВАЛ, 4 июн - Sputnik. Хуссар Ирыстоны дарддӕр цӕуы уалдзыгон ӕрсидт ӕфсӕддон службӕмӕ. Республикӕйы Хъахъхъӕнынады министрады пресс-службӕ куыд хъусын кӕны, афтӕмӕй "Ӕвзонг хӕцӕджы курс" рацӕуыны тыххӕй ӕрсиддонты арвыстой хъахъхъӕнынадон уагдоны ахуырадон центрмӕ.

Офицерты къухдариуӕгады бын ӕрсиддонтӕ цӕуынц ӕфсӕддон службӕмӕ адаптацийы фыццаг этап.

"Ахуырты нывӕзтмӕ гӕсгӕ ӕвзонг фӕлтӕримӕ уагъд цӕуынц теоретикон ӕмӕ практикон ахуыртӕ алыгъуызон ӕфсӕддон дисциплинӕтӕй. Сӕйраг хъусдард здӕхт уыдзӕн ӕфсӕддонты индивидуалон цӕттӕкӕнынадмӕ", - банысан кодтой Хъахъхъӕнынады министрады.

Рӕвдзытӕм иудадзыг йӕ хъус дары Хуссар Ирыстоны ӕфсады къухдариуӕгад, бафтыдтой уагдоны.

7
Ленингор

Хуссар Иры Ленингоры районы ссардтой нӕлгоймаджы мӕрдон буар

1
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

1
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3