Цхинвайлаг биологы куыст хуссайраг калмы ног хуызы тыххӕй рацыд Уӕрӕсейы зонадон журналы

Цхинвайлаг биологы куыст хуссайраг калмы ног хуызы тыххӕй рацыд Уӕрӕсейы зонадон журналы

158
(ранӕуӕггонд 12:02 04.06.2021)
Габайты Владимир ахуыргӕндты къордимӕ сахуыр кодтой Борис Тунеевы номыл хуссайраг калмы, кӕцы цӕры Фӕскавказы ӕмӕ йыл ныммыхуыр кодтой уац

ЦХИНВАЛ, 4 июн — Sputnik, Плиты Фатимӕ. Хуссар Ирыстоны паддзахадон телеуынынады кусӕг, бӕстӕзонӕг ӕмӕ биолог Габайты Владимиры иумӕйаг куыст уӕрӕсейаг ахуыргондтимӕ рацыд зонадон журнал "Труды зоологического института РАН"-ы.

Габаев
Из личного архива В.Габаева

Ӕрӕджы уыдон бӕстонӕй ӕркастысты хуссайраг калмы (гадюка) ног хуызмӕ, кӕцыйыл сӕ экспедициты рӕстӕджы фембӕлдысты Кавказы.

Калм йӕ ном райста Сочийы национ паркы кусӕг, герпетолог Борис Тунеевӕй, кӕцыйӕ бакодта ацы бырӕджы йӕ рцыдты рӕстӕджы Хуссар Ирыстонмӕ.

"Ацы бырӕджы хицӕндзинӕдтӕ бар дӕттынц уый хицӕн хуызмӕ бахӕссынӕн. Тунеевы ном хӕссы, уымӕн ӕмӕ йӕ фылдӕр ахуыр кодта уый. Иу фондз хатты уыд ам, ӕз йемӕ сарӕзтон цалдӕр алӕвӕрд ПТРК "Ир"-ы. Уый бацыд дунейы зоологийы историмӕ ӕмӕ ӕнустӕм баззайдзӕн",- радзырдта Sputnik Габайты Владимир.

"Статус гадюки в комплексе бассейна среднего течения реки Куры в Восточном Закавказье" бацӕттӕ кодтой авторты къорд - Н. Б.Ананева, В.Н Габайты, Г.Н. Иремашивли, Г.Ю.Лотиев ӕмӕ Т.В. Петрова. Бырӕг, сӕ ахуыртӕм гӕсгӕ, цӕры Хуссар Ирыстоны ӕмӕ Гуырдзыстоны скӕсӕн хай.

158
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

6
(ранӕуӕггонд 15:26 18.09.2021)
Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы

ЦХИНВАЛ, 18 сен — Sputnik, Плиты Фатимæ. Цхинвалы сæйраг фӕзуаты ацыд парады фæстаг æлхынцъгæнæн генералон репетици, кӕцы нывонд у Республикикӕйы бонӕн.

Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы.

"Иу мæй нæхи цæттæ кæнæм, репетици та уы ныр æртыккаг хатт. Нæ тыхтæ радтам, цæмæй бæрæгбон ацæуа нывыл,уый у сæйрагдæртæй иу, хъуамæ йæ арвитæм рæсугъд æмæ нывыл", - загъта цытджын хъараулы тырысахæссæг Сæрмæт.

Цытджын мадзал ацӕудзӕн къуырисӕры, 20 сентябры. Театралон фӕзуатыл рацӕудзысты Хъахъхъӕнынады, Мидхъуыддӕгты, Уӕлвӕткон уавӕрты ӕмӕ Юстицийы министрӕдты парадон къордтӕ, стӕй ма Паддзахадон ӕдасдзинады комитеты арӕнхъахъхъӕнджытӕ ӕмӕ Уӕрӕсейы 4-ӕм ӕфсӕддон базӕйы службӕгӕнджытӕ ӕмӕ Уӕрӕсейы федералон ӕдасдзинады службӕйы арӕнгӕрон хайады кусджытӕ. Уымӕй дарддӕр ма парады рацӕудзысты Хъахъхъӕнынады министрады танкисттӕ, кӕцытӕ архайдтой "Танковый биатлон"-ы.

Генеральная репетиция Парада ко Дню республики
© Sputnik / Natalia Airiyan
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

20 сентябыры 1990 азы Адӕмон депутаты совет рахаста уынаффӕмӕ Хуссар Ирыстоны автономон областы статус скӕнын Хуссар Ирыстоны Демократон Республикикӕмӕ Советон цӕдисы сконды. Ацы къахдзӕф уыд фыццаг хӕдбардзинадмӕ фӕндагыл. 20 сентябырь та ссис сӕйраг паддзахадон бӕрӕгбонтӕй сӕ иу.

6
Карантин

Хъыгдары ахуырадон процесс: столицӕйы администрацийы радзырдтой скъолаты карантины тыххӕй

9
(ранӕуӕггонд 16:50 17.09.2021)
Карантиныл сӕхгӕдтой 11 къласы ӕмӕ фондз къорды горӕты цалдӕр скъола ӕмӕ сабидоны. Куыст уым сног кӕндзысты хуымӕтӕг режимы 24 сентябры, банысан кодтой столицӕйы администрацийы

ЦХИНВАЛ, 17 сен – Sputnik, Козаты Диана. Хуссар Ирыстоны карантиныл сӕхгӕдтой 11 къласы столицӕйы скъолаты ӕмӕ цалдӕр къорды горӕты сабидӕтты. Уагдӕттӕ нывӕндынц ракӕнын штатон куыстмӕ фидӕн къуыри, бӕрӕгбоны фӕдыл улӕфт бонты фӕстӕ, фехъусын кодта Цхинвалы администрацийы ахуырады хайады хистӕр Сиукъаты Ольга.

Хуссар Ирыстоны сӕрдӕй фӕстӕмӕ фылдӕр кӕнынц коронавирусӕй рынчынтӕ. Югосетпотребнадзоры бӕрӕггӕнӕнтӕм гӕсгӕ, ивгъуыд суткӕйы вирус сбӕрӕг кодтой 48 адӕймагӕн.

"Карантины фӕдыл фыццаг приказтӕ ӕрбацыдысты 9 сентябры. Уӕдӕй фӕстӕмӕ ӕрвыл бон фылдӕр кӕны ӕхгӕд кълӕсты нымӕц. Абоны бон махмӕ ӕхгӕд сты 11 къласы ӕмӕ фондз къорды сабидӕтты. Кълӕстӕ ӕхгӕд сты 1, 2, 5 ӕмӕ 6-ӕм скъолаты. Карантин фӕуд кӕны 24 сентябры", - загъта Сиукъаты Ольга.

Уый банысан кодта, зӕгъгӕ, ахуырдзауты хсӕн рынчынтӕ кӕцы кълӕсты ис, уым ахуыргӕнджытӕ раттынц хӕслӕвӕрдтӕ ӕмӕ уадзынц консультацитӕ.

"Афтӕ нын дзуапп кӕнынц скъолаты директортӕ. Фӕлӕ махмӕ ахуыргӕнджытӕй дӕр бирӕ ис рынчын. Дистанцион ахуыр зын, ӕмӕ къласӕн сӕхи ахуыргӕнӕг куы нӕ вӕййы, уӕд та ноджы зындӕр у", - банысан кодта Сиукъаты Ольга.

Йӕ ныхӕстӕм гӕсгӕ, ахӕм уавӕрты хъыгдард ӕййафы ахуырадон процесс.

Майрӕмбоны бӕрӕггӕнӕнтӕм гӕсгӕ, Хуссар Ирыстоны пандемийы райдайӕнӕй коронавирусӕй фӕрынчын сты 5473 адӕймаджы.

9
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10