Хуссар Иры Ленингоры районы арӕзт цӕуынц хъӕутӕм фӕндӕгтӕ ӕмӕ хидтӕ

Хуссар Иры Ленингоры районы арӕзт цӕуынц хъӕутӕм фӕндӕгтӕ ӕмӕ хидтӕ

37
(ранӕуӕггонд 14:05 06.06.2021)
Ленингоры районы разамонӕг Гулиты Владимир банысан кодта, районы цӕрджытӕн арӕзт кӕй цӕудзӕн цӕрынӕн ӕмбӕлон уавӕртӕ

ЦХИНВАЛ, 4 июн — Sputnik, Плиты Фатимӕ. Хуссар Ирыстоны Ленингоры районы цалцӕг цӕуынц хъӕууон фӕндӕгтӕ, фехъусын кодта Sputnik районы пресс-службӕйы кусӕг Кокойты Анжела.

Аразджыты хъусдарды бын сты Тыджыты хъӕу, Раздӕхӕн, Уӕллаг Захъхъор, Ларгвис, Делкан ӕмӕ ӕндӕр хъӕутӕм фӕндӕгтӕ.

"Районы ЦКХ кусджытӕ архайынц Тыджыты хъӕу ӕмӕ Раздӕхӕны хсӕн фӕндаг сраст кӕнын ӕмӕ рауӕрӕх кӕнын. Йӕ дӕргъ у 13 км, фӕфӕтӕн ӕй кӕндзысты дыууӕ метры бӕрц", - хъусын кӕны пресс-службӕ районы ЦКХ хистӕры хӕдивӕг Битарты Мамукайы ныхӕстӕ.

Ӕмрӕстӕджы ма ӕмбӕлон уагмӕ кӕнынц районы центрӕй Уӕллаг Захъхъормӕ фӕндаг.

В Ленингорском районе ремонтируют дороги
Пресс-служба Ленингорского района
Хуссар Иры Ленингоры районы арӕзт цӕуынц хъӕутӕм фӕндӕгтӕ ӕмӕ хидтӕ

"Фӕндаг ӕнцонвадат скӕнынӕй дарддӕр ма дзы цалцӕг цӕуы хид дӕр, кӕцы-иу донивылдтӕ рахастой", - дзуры Битарты Мамука.

Сӕрды райдайӕнӕй фӕстӕмӕ  аразджыты хъусдарды бын сты Ленингоры посёлокӕй Ларгвис ӕмӕ Раздӕхӕны 'рдӕм фӕндӕгтӕ.

Ленингоры районы разамонӕг Гулиты Владимир банысан кодта, районы цӕрджытӕн арӕзт кӕй цӕудзӕн цӕрынӕн ӕмбӕлон уавӕртӕ.

37
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3