Номдзыд уӕрӕсейаг актрисӕ Нонна Гришаева ӕрцӕудзӕн Хуссар Ирмӕ

9
(ранӕуӕггонд 15:12 04.06.2021)
Актрисӕ хайад райсдзӕн Уӕрӕсейы боны цытӕн мадзӕлтты Хуссар Ирыстоны – Гришаева бавдисдзӕн республикӕйы цӕрджытӕн йӕ киноныв "Спасите колю" ӕмӕ ауадздзӕн сфӕлдыстадон фембӕлд Паддзахадон театры

ЦХИНВАЛ, 4 июн — Sputnik, Хъуылымбегты Зӕлинӕ. Театр ӕмӕ кинойы уӕрӕсейаг актрисӕ Нонна Гришаева хайад райсдзӕн мадзӕлтты, кӕцытӕ нывонд сты Уӕрӕсейы бонӕн, радзырдта Sputnik Россотрудничествойы минӕварады разамонӕг Хуссар Ирыстоны Сергей Скворцов.

Артисткӕ ӕрцӕудзӕн республикӕмӕ кинофестиваль "Хрустальный источник"-ы фӕлгӕтты.

"Ацы фестивалы фӕлгӕтты уӕрӕсейаг номдзыд артисттӕ цӕуынц гастрольты дунейы алыгъуызон горӕттӕм ӕмӕ бавдисынц сӕ кинонывтӕ, ауадзынц сфӕлдыстадон фембӕлдтӕ", - загъта Скворцов.

Ахӕм фембӕлдтӕ ацыдысты Абхазы дӕр, цы ран хайад райстой актрисӕ Екатерина Волкова ӕмӕ режиссер Максим Дашкин.

"Хрустальный источник"-ы программӕйы фӕлгӕтты 9 ӕмӕ 10 июны Хуссар Ирыстоны ралӕудзӕн Уӕрӕсейы сгуыхт артисткӕ Нонна Гришаева. Киноконцертон зал "Чермен"-ы 9 июны 18.00 сахатыл уый бавдисдзӕн йӕ киноныв "Спасите Колю", кӕцы нырма нӕ рацыд прокаты", - банысан кодта Россотрудничествойы сӕргълӕууӕг.

Залмӕ бацӕуӕн уыдзӕн хуынды билеттӕм гӕсгӕ, кӕцытӕ сорганизаци кӕндзӕн Россотрудничество.

"Афтӕ ма 10 июны 12.00 сахатыл сывӕллӕттӕ ӕмӕ сӕ ныййарджытӕн ӕнӕаргъӕй равдисдзысты "Союзмультфильм" киностудийы мультфильмтӕ. Уыцы бон ма, 16.00 сахатыл ацӕудзӕн Нонна Гришаевайы сфӕлдыстадон фембӕлд Хетӕгкаты Къостайы номыл Паддзахадон драмон театры", - загъта уый.

Скворцов бафтыдта, зӕгъгӕ, мадзал сорганизаци кодта Россотрудничествойы минӕварад, Хуссар Ирыстоны культурӕйы министрад ӕмӕ уӕрӕсейаг ӕмбӕстӕгты Координацион совет Хуссар Ирыстоны.

9
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3