Цхинвалы хӕрзаудӕн концерты æрæмбырд кодтой 120 мин сомы автокатастрофӕйы бахауӕг чызгæн

Цхинвалы хӕрзаудӕн концерты æрæмбырд кодтой 120 мин сомы автокатастрофӕйы бахауӕг чызгæн

8
(ранӕуӕггонд 12:17 07.06.2021)
Битеты Сабинайы ӕнӕниздзинад бахъыгдард ис 2016 азы автокатастрофӕйы фӕстиуӕгӕн. Хӕрзаудӕн концерт ацыд ПККЗ "Чермен"-ы

ЦХИНВАЛ, 7 июн – Sputnik, Плиты Фатимæ. Хуссар Ирыстоны дыккӕгӕм астӕуккаг скъолайы дӕлбар хореографион къорд "Кафт"-ы хӕрзаудӕн концерты Цхинвалы æрæмбырд кодтой 120 мин сомæй фылдæр Битеты Сабинайæн, кæцыйы æнæниздзинад бахъыгдард ис фондз азы размæ аварийы рæстæджы, фехъусын кодта Sputnik къорды аивадон къухдариуӕггӕнӕг, республикӕйы сгуыхт артист Майя Четион.

Битеты Сабинайы ӕнӕниздзинад бахъыгдард ис 2016 азы автокатастрофӕйы фӕстиуӕгӕн.

"Ныййарджыты комитет æмæ педагогон къамис банымадта фæрæзтæ æмткæй 122 мин 550 сомы æмæ сæ радтам чызджы ныййарæгæн", - загъта Четион.

Йæ ныхæстæм гæсгæ, сывæллæттæ равдыстой сæхи иттæг хорз, уæлдайдæр та "фæстаг ахуыры аз пандемийы аххосæй æххæст кæй нæ куыстой, уый хынцгæйæ".

Осетинский танец
© Sputnik / Наталья Айриян
Ансамбль "Кафт"

Ансамбль "Кафт" ӕрвылаз дӕтты гом уроктæ, ацы аз ӕй сарæзтой ӕндӕр форматы - хӕрзаудӕн мадзалы хуызы. Сценӕмӕ ракодтой скъоладзауты ног фӕлтӕртӕ, 120 кафӕджы бæрц, цыппар кары къорды. Мадзалы ма архайдтой сывæллæтты музыкалон студи "Бонвӕрнон" дӕр.

8
Ленингор

Хуссар Иры Ленингоры районы ссардтой нӕлгоймаджы мӕрдон буар

3
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

3
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3