Спектакль Дон Жуан

Улæфт, бæрæгбонон фæззæг æмæ ма иу равдыст: ПДТ труппæ баулæфдзæн иу мæй

6
(ранӕуӕггонд 12:18 07.06.2021)
Ацы аз ПДТ банысан кæндзæн йæ равзæрды юбилей, бавдисдзæн геноцидæн нывонд спектакль, фæлæ уал уый агъоммæ ацæудзæн улæфты

ЦХИНВАЛ, 7 июн — Sputnik, Плиты Фатимæ. Хуссар Ирыстоны паддзахадон драмон театр спектакль "Дон Жуан"-ы равдысты фæстæ ацæудзæн иу мæй улæфты, фехъусын кодта Sputnik театры аивадон къухдариуæггæнæг Дзудцаты Тамерлан.

Жан-Батист Мольеры уацмыс "Дон Жуан" Дыгуры сæйраг режиссер Джелиты Хъазбеджы цæстæнгасæй æртыккаг хатт равдисдзысты 8 июны, уый фæстæ труппæ ацæудзæн улæфты.

"Улæфт мæйы рæстæджы адарддæр уыдзæн куыст ирон адæмы 1920 азы геноцидыл таурæгъгæнæг спектаклыл. Ацы къуыри нæм фæуазæг сты специалисттæ, кæцытæ цæттæ кæнынц техникон авналæнтæ – рухс, мыр, сæрмагонд эффекттæ. Спектакль хъуамæ цæттæ уа августы хæстыл 13 азы сæххæсты бонмæ", - загъта уый.

Ацы аз Хуссар Ирыстоны паддзахадон драмон театрæн у юбилейон, 29 июлы йæ бындурæвæрдыл æххæст кæны 90 азы. Уый цытæн бæрæгбонон мадзæлттæ нысангонд сты фæззæгмæ.

"Ныридæгæн кусæм юбилейы цытæн нывæзт бацæттæ кæнын æмæ йæ сфидар кæныныл. Гуырахстджын мадзæлттæ ацæудзысты фæззæджы", - балхынцъ кодта Дзудцаты Тамерлан.

6
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3