Форум Без границ 2021

Сӕрыстыр дӕн сахъат адӕмы хъаруйӕ: Хуссар Ирӕй архайӕг форум "Без границ 2021"-ы тыххӕй

4
(ранӕуӕггонд 12:07 07.06.2021)
Мадзал цӕуы Тӕмискъы. Хӕххон хъӕу ӕрфысым кодта Цӕгат Ирыстон, Абхаз, Хуссар Ирыстон ӕмӕ ӕндӕр Цӕгат Кавказы республикӕты

ЦХИНВАЛ, 7 июн – Sputnik, Плиты Фатимӕ. Хуссар Ирыстоны минӕвӕрттӕ хайад исынц ӕппӕтуӕрӕсейон ахуырадон фӕсивӕдон инклюзивон форум "Без границ 2021"-ы. Ӕрыгон фӕлтӕрты фембӕлдтӕ Цхинвалӕй ацыдысты ХИПУ ӕмӕ скъола-интернаты минӕвӕрттӕн.

Мадзал цӕуы Тӕмискъы. Хӕххон хъӕу ӕрфысым кодта Цӕгат Ирыстон, Абхаз, Хуссар Ирыстон ӕмӕ ӕндӕр Цӕгат Кавказы республикӕты. Архайы дзы 230 адӕймаджы, сӕ нымӕцы къуындӕг авналӕнтимӕ фӕсивӕд.

Форумы архайӕг, ХИПУ-йы студенткӕ Тедеты Аннайы ныхӕстӕм гӕсгӕ, ацы рӕстӕджы уыдонӕн ӕввахсдӕр ссисты сахъат адӕмы зындзинӕдтӕ.

"Форум фӕивта мӕ дунеӕмбарынад. Раздӕр дӕр зыдтам, цӕгаткавказаг регионты кӕй ис сахъат адӕм, фӕлӕ ныр сӕ зындзинӕдтӕ ӕмбарӕм хуыздӕр. Мах хъуамӕ саразӕм ацы дуне уыдонӕн ӕнцонвадат", - радзырдта уый.

Аннайы ныхӕстӕм гӕсгӕ, уый сӕрыстыр у сахъат адӕмы хъаруйӕ.

  • Форум Без границ 2021
    Форум "Без границ 2021"
    © Photo : Из личного архива Анны Тедеевой
  • Форум Без границ 2021
    Форум "Без границ 2021"
    © Photo : Из личного архива Анны Тедеевой
1 / 2
© Photo : Из личного архива Анны Тедеевой
Форум "Без границ 2021"

"Тынг ӕхсызгон у семӕ ныхас кӕнын, тӕригъӕд кӕнын сын нӕ хъӕуы. Лӕппу, кӕцыйӕн ис къӕхтимӕ проблемӕ, лӕууы йӕ къухы ӕнгуылдзтыл, иннӕ цӕгъды пианинойыл", - дзуры Тедеты Анна.

Организаторты хъусинагмӕ гӕсгӕ, форумы нывӕзты ис ахуырадон тренингтӕ, фембӕлдтӕ зындгонд спортсментӕ ӕмӕ ӕхсӕнадон архайджытимӕ. Форумы архайджытимӕ ма ахуыр кӕнынц проекттӕ цӕттӕ кӕнын Уӕрӕсейы конкурсты хайад исынӕн. Форму балхынц уыдзӕн абон, 7 июны.

4
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3