ХИПУ

ХИПУ фехъусын кодта ног ахуырадон азмӕ абитуриентты райсты райдайӕны тыххӕй

3
(ранӕуӕггонд 15:11 07.06.2021)
Хуссар Ирыстоны Паддзахадон университетмӕ куырдиӕттӕ исын райдайдзысты июлы

ЦХИНВАЛ, 7 июн – Sputnik, Козаты Диана. Хуссар Ирыстоны паддзахадон университет фехъусын кодта абитуриентты райсты райдайӕны тыххӕй ног ахуырадон азмӕ, фехъусын кодтой ХИПУ пресс-службӕйы.

Фидӕны студенттӕ равзардзысты ӕртӕ хайадӕй – боны хайад, фӕсаууон бюджетон бындурыл ӕмӕ коммерцион фӕсаууон, афтӕ ма дыууӕ дӕсниадӕй.

"Ацы аз ма райдыдтой исын ӕхсӕнадӕмон журналистикӕйы дӕсниадмӕ фӕсаууон хайады коммерцион бындурыл", - банысан кодтой пресс-службӕйы.

Ахуырадон уагдоны бахахх кодтой, ацы аз кӕй нӕ исдзысты абитуриентты актерен дӕсниады факультетмӕ.

ХИПУ банысан кодтой, зӕгъгӕ, абитуриенттӕ, кӕцытӕ фесты скъола сыгъзӕрин кӕнӕ ӕвзист майданимӕ, равзаргӕ дӕсниадӕй дӕттынц ӕрмӕстдӕр иу фӕлварӕн, кӕцы снысан кодтой фыццагӕй номхыгъды. Уыдоны ссӕрибар кӕндзысты аннӕ фӕлварӕнтӕй, кӕд ӕмӕ райсой "фондз". Ӕнӕ кокурсӕй ист цӕудзысты республикон олимпиадӕйы призертӕ профилон предметтӕм гӕсгӕ.

"Уымӕй дарддӕр, университет исы студентты сӕрмагонд бадзырдтӕм гӕсгӕ куыстуӕттимӕ, организацитимӕ ӕмӕ хисӕрмагонд гоймӕгтимӕ коммерцион бындурыл", - бафтыдтой пресс-службӕйы.

Куырдиӕттӕ ист цӕудзысты 1 – 5 июлы, "Ӕхсӕнадӕмон журналистикӕ" дӕсниадмӕ та – 12 июльмӕ. Фӕсаууон хайадмӕ коммерцион бындурыл абитуриентты документтӕ ист цӕудзысты 20 июлы онг.

3
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3