Зӕгъойты Зӕринӕ

Дзабиты Иналы хъуыддаджы фӕдыл судмедэксперты аххосджын кӕнынц йӕ барты сӕрты ахизыны

6
(ранӕуӕггонд 09:18 08.06.2021)
Зӕгъойты Зӕринӕ ауагъта дыккаг экспертизӕ Цхинвалы цӕрӕджы фӕзианы фӕдыл, кӕцы амард МХМ Криминалон милицийы ӕрфарстты рӕстӕджы

ЦХИНВАЛ, 7 июн - Sputnik. Хуссар Ирыстоны Генералон прокуратурӕйы слестгӕнӕн управлени бакодта уголовон хъуыддаг РБМЦ тӕрхондонон-медицинон эксперт Зӕгъойты Зӕринӕйы ныхмӕ - уымӕ зӕрдӕ ӕхсайы кусӕгон барты сӕрты ахизыны. Уый тыххӕй хъусын кӕны уагдоны пресс-службӕ.

"Басгӕрст рабӕрӕг кодта, эксперт Зӕгъойты Зӕринӕ 2020 азы 30 августы мӕнг зонӕнты бындурыл кӕй бацӕттӕ кодта ӕмӕ радта справкӕ", - радзырдтой прокуратурӕйы.

Уыимӕ уым нӕ банысан кодтой, цавӕр мӕнг зонӕнтӕ бахаудысты уагдоны хъусдарды бын.

Уый фӕдыл 2021 азы 5 июны слестгӕнӕн управлени бакодта уголовон хъуыддаг фыдракӕнды ӕууӕлтӕм гӕсгӕ, кӕцы хауы УФУК 286-ӕм статьяйы фыццаг хаймӕ.

Зӕгъойты Зӕринӕ ауагъта дыккаг экспертизӕ Цхинвалы цӕрӕг Дзабиты Иналы фӕзианы фӕдыл, кӕцы амард МХМ Криминалон милицийы ӕрфарстты рӕстӕджы. Фӕстӕдӕр Криминалон милицийы кусджытӕ, кӕцыты ӕрцахстой Дзабиты Иналы хъуыддаджы фӕдыл, расидтысты нӕхӕрын - уыдон дзырдтой, зӕгъгӕ сӕ эксперты мӕнг справкӕйы тыххӕй ӕрцахстой.

Ивгуыд азы августы кӕрон криминалон милицийы бафарстыты фӕстӕ амард Цхинвалы цӕрӕг Дзабиты Инал. Уӕд столицӕйы ацыд митингтӕ, цы ран адӕм домдтой бафхӕрын азымджынты. Кризисы аххосӕй отставкӕйы ацыд хицауад, депутаты иу хай сӕ хӕстӕ ӕххӕст кӕныны куыст ӕрурӕдтой. Лӕппуйы мӕлӕты рӕстаг сгӕрсты домӕнты фӕдыл цалдӕрмӕйон акци Театралон фӕзуаты ауагътой лӕппуйы ныййарӕг ӕмӕ йе 'мкъай, афтӕ ма уыдон фарсмӕ цы адӕм балӕууыдысты, уыдон.

6
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3