ЦХИНВАЛ, 8 июн – Sputnik, Плиты Фатимæ. Хуссар Ирыстоны сидзӕр сывӕллӕттӕ, ӕххуысхъуаг бинонты зӕнӕг ӕмӕ сахъат сывӕллӕтты къорд 11 сывӕллоны скондӕй баулӕфдзӕн Нальчикы. Балц организаци кӕны Ӕнӕниздзинад хъахъхъӕнынады министрад, фехъусын кодтой Sputnik министрады пресс-службӕйы.
Къорд дыууӕ къуырийы дӕргъы улӕфдзӕн социалон-реабилитацион центр "Радуга"-йы, кӕцыйы куысты фадгуытӕй иу у сахъат сывӕллӕтты ӕмӕ ӕнӕниздзинады къуындӕг авналӕнтимӕ сабиты реабилитаци.
"Сывӕллӕттӕ фидар кӕндзысты се 'нӕниздзинад. Стӕй ма дзы архайдзысты 10 кружокы, нывӕзты ма ис балцытӕ Кӕсӕг-Балхъары фендтаг бынӕттӕм", - загътой пресс-службӕйы.
Фыццаг къорды дыууӕ къуырийы фӕстӕ раивдзӕн дыккаг.
Центры территорийыл ис бассейн, футболон фӕзуат, баскетбол ӕмӕ волейболы фӕзуат ӕмӕ киноконцертон зал.