Зӕгъойты Зӕринӕ

Судмедэксперт Зӕгъойты Зӕринӕ фехъусын кодта, кӕй хъахъхъӕндзӕн йӕ бартӕ

8
(ранӕуӕггонд 13:19 08.06.2021)
Судмедэксперты ныхмӕ, кӕцы сарӕзта справкӕ Дзабиты Иналы мӕлӕты аххосӕгты фӕдыл, генералон прокуратурӕ бакодта уголовон хъуыддаг

ЦХИНВАЛ, 8 июн – Sputnik, Козаты Диана. РБМЦ суцдмедэксперт Зӕгъойты Зӕринӕ фехъусын кодта, кӕронмӕ кӕй хъахъхъӕндзӕн йӕ бартӕ. Дыццӕджы уый ӕрбацыд парламентмӕ, цӕмӕй зӕгъа йӕ позици генералон прокуратурӕ йӕ ныхмӕ цы уголовон хъуыддаг бакодта, уый фӕдыл.

Генпрокуратурӕйы знон фехъусын кодтой: басгӕрст рабӕрӕг кодта, эксперт Зӕгъойты Зӕринӕ 2020 азы 30 августы мӕнг зонӕнты бындурыл кӕй бацӕттӕ кодта ӕмӕ радта справкӕ. Уыимӕ иумӕ, уым нӕ банысан кодтой, цавӕр мӕнг зонӕнтӕ бахаудысты уагдоны хъусдарды бын.

"Знон социалон хызӕгты базыдтон, кӕй мыл бакодтой уголовон хъуыддаг. Фӕстӕдӕр изӕры мӕм ӕрбацыд куырдиат, ӕз йемӕ базонгӕ дӕн, фӕлӕ разы нӕ дӕн йемӕ. Уыд дзы информаци, ома ӕз ацы справкӕ радтон 30 августы. Фӕлӕ ӕз алыхатт дӕр зӕрдыл ӕрбалӕууын кӕнын, справкӕ кӕй радтон 28 августы, Дзабиты Иналы мӕлӕты бон", - загъта Зӕгъойты Зӕринӕ.

Уый ма банысан кодта, ацы справкӕйы мӕнг зонӕнтӕ кӕй нӕй, уым ис Дзабиты Иналы буары развӕлгъау ӕддагон басгӕрст, ӕмӕ кӕронбӕттӕн документмӕ ацы гӕххӕтт ницы ахаст дары.

Уыимӕ иумӕ, Зӕгъойты Зӕринӕ фехъусын кодта, ахӕм справкӕтӕ дӕттын кӕй ссис хуымӕтӕг практикӕ, уыдон бирӕ хатт-иу радтой Генпрокуратурӕйы фӕдагурджыты куырдиатӕй.

"Уыдон бамбарын кодтой, кӕронбӕттӕн документӕн хъӕуы бирӕ рӕстӕг – 30 бонмӕ ӕввахс. Ӕмӕ сӕ справкӕ хъӕуы, цӕмӕй йӕ зоной, ис зианбаййафӕджы буарыл цӕфтӕ ӕви нӕ. Ацы практикӕйӕ спайда кодтой Дзабиты Иналы хъуыддаджы дӕр", - банысан кодта судмедэксперт.

Уымӕй дарддӕр, Зӕгъойты Зӕринӕ бахахх кодта, кӕронмӕ кӕй хъахъхъӕндзӕн йӕ бартӕ. Уый фехъусын кодта, абон кӕй бадӕтдзӕн куырдиат генералон прокуроры ӕмӕ парламенты спикеры номыл.

"Мӕн фӕнды, цӕмӕй мӕ сымах хъахъхъӕнат законмӕ гӕсгӕ", - бадзырдта Зӕринӕ депутаттӕм.

Судмедэксперты законон минӕвар Гӕбӕраты Тамара ракуырдта генпрокуратурӕйӕ лӕмбынӕгдӕр ӕркӕсын ацы хъуыддагмӕ.

Вице-спикер Плиты Александр дӕр бадзырдта генералон прокурормӕ, цӕмӕй уый радта информаци Зӕгъойты Зӕринӕйы бафарсты видео социалон хызӕгты куыд фӕзынд, уый тыххӕй, ӕмӕ куыд бафхӕрдзысты аххосджынты.

8
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3