Кокойты Зураб

Хъӕуы инвестици кӕнын экологимӕ: Хуссар Иры делегацийы уӕнг УФ экоконгрессы хайадисты

13
(ранӕуӕггонд 14:44 08.06.2021)
Республикӕйы хъӕуы инвестицитӕ экологон уавӕр бавӕрынмӕ, радзырдтой конгрессы фӕстиуджыты тыххӕй Sputnik пресс-центры

ЦХИНВАЛ, 8 июн — Sputnik, Гӕбӕраты Элина. Хъӕуы инвестици кӕнын Хуссар Ирыстоны экологимӕ, фехъусын кодта Sputnik пресс-центры дыццӕджы Хуссар Ирыстоны хицауады минӕвар парламенты Кокойты Зураб.

Пресс-конференци уыд нывонд ӕхсӕнадӕмон экологион конгрессӕн, кӕцы ацыд Санкт-Петербурджы майы кӕрӕтты. Хуссарирыстойнаг делегацийы уӕнгтӕ фехъусын кодтой сӕ хъуыды бӕстӕйы экологион уавӕры фӕдыл ӕмӕ радзырдтой когрессы тыххӕй.

"Балц уыд пайдаджын. Ӕз дыккаг хатт хайад исын ацы форумы. Уыд дзы 800 делегатӕй фылдӕр, кӕцытӕ хайад истой конгрессы куысты. Фыццаг бон ацыдысты секцитӕ – тымбыл фынгтӕ. Дыккаг бон ацыд пленарон рабадт. Конгрессы куыд банысан кодтой, афтӕмӕй климат ӕмӕ экологийӕн нӕй арӕнтӕ. Алкӕцы бӕстӕйы хӕслӕвӕрд у хъахъхъӕнын ӕрдз", - банысан кодта Кокойты Зураб.

Афтӕ ма, Кокойты Зураб бахахх кодта, конгрессы тымбыл фынгтӕй иуыл хъусдард аздӕхтой экологимӕ инвестицитӕм.

"Уый фӕстӕ ацыд ноджы иу форум, цы ран ӕрдзырдтой ӕрдз бахъхъхъӕныны проблемӕтыл. Мӕ хъуыдымӕ гӕсгӕ, хъӕуы инвестици кӕнын экологимӕ, уый ма ӕфтиаг дӕр ӕрхӕсдзӕн", - загъта уый.

Кокойты Зурабы ныхӕстӕм гӕсгӕ, хъусдард хъӕуы аздахын экотуризммӕ дӕр – туристон индустри уыдзӕн пайда республикӕйӕн.

"Ӕрдз бахъахъхъӕныны фарсты фӕдыл мӕ фӕнды банысан кӕнын, парламенты рагӕй кӕй ис "Доны кодексы" проект, кӕцы ис ӕркасты, ӕмӕ йӕ фидӕны райсдзысты. Уым фыст сты юридикон ӕмӕ физикон гоймӕгты бартӕ ӕмӕ хӕстӕ", - фехъусын кодта Кокойты Зураб.

Ацы документ райсыны фӕстӕ бирӕ проблемӕтӕ скъуыддзаг кӕндзысты хицауад ӕмӕ парламент, бафтыдта министрты кабинеты минӕвар.

13
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3