Бестауты Бала

Бестауты Бала радзырдта, базальты завод цы уавӕрты не ‘рхӕсдзӕн зиан Хуссар Иры экологийӕн

9
(ранӕуӕггонд 10:53 09.06.2021)
Ӕрдз хъахъхъӕныныны уагдоны сӕргълӕууӕг банысан кодта, нырма хъӕуы равзарын, цы технологитӕй пайда кӕндзысты базальтон рауагъдады ӕмӕ аскъуыддзаг кӕнын фарст экспертизӕйы руаджы

ЦХИНВАЛ, 9 июн — Sputnik, Гӕбӕраты Элина. Хуссар Ирыстоны геологи, экологи ӕмӕ ӕрдзӕй пайдакӕнынады комитет нывӕнды фӕхонын экспертты Уӕрӕсейы цӕгаттаг столицӕйӕ, цӕмӕй ауадзой дыккаджы экспертизӕ базальтон заводыл, фехъусын кодта Sputnik пресс-конференцийы рӕстӕджы комитеты сӕрдар Бестауты Бала.

Хуссар Ирыстоны базальтон завод арӕзт цӕуы республикӕйы столицӕйы цур, Цхинвалы районы Хеиты хъӕумӕ хӕстӕг. Социалон хызӕгты Цхинвалы цӕрджытӕ бирӕ хатт фехъусын кодтой сӕ нӕразыдзинад заводы арӕзтадимӕ.

"Фарст аскъуыддзаг кодтой республикӕйы къухдариуӕгады. Адӕм хъаст кӕнынц, хъӕуы дыккаджы экспертизӕ, уый фӕдыл та хъӕуы тӕрхон. Тӕрхондоны скъуыддзагӕй гӕнӕн ис аивын фыццаг экспертизӕ ӕмӕ стӕй ӕрбаздахын ӕндӕр экспертты", - загъта Бестауты Бала.

Ӕрдз хъахъхъӕныны комитетимӕ аразджытӕ нӕ баныхас кодтой сӕ архӕйдтыты фӕдыл, банысан кодта Бестауты Бала.

"Тагъд рӕстӕджы ӕрныхас кӕндзысты ацы фарсты фӕдыл хицауады, ӕмӕ уым ӕз зӕгъдзӕн мӕ хъуыды. Мах ссардтам экспертты Санкт-Петербургӕй, уыдон цӕттӕ сты ӕрцӕуын ӕмӕ ауадзын экспертизӕ", - загъта уый.

Кӕд ӕмӕ заводы пайда кӕной нырыккон технологитӕй ӕмбӕлон фильтртимӕ, уӕд экологийӕн зиан не ‘рхӕсдзӕн, бафтыдта Бестауты Бала.

9
Ленингор

Хуссар Иры Ленингоры районы ссардтой нӕлгоймаджы мӕрдон буар

0
(ранӕуӕггонд 15:06 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты ӕууӕлтӕ.

0
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3