Хъырым

Хуссарирыстойнаг сахъат сабитӕ ӕрвылаз дӕр улӕфдзысты Хъырымы

16
(ранӕуӕггонд 12:01 09.06.2021)
Сывӕллӕтты улӕфты тыххӕй бадзырдӕуыд Уӕрӕсейы Хъахъхъӕнынады министрады Сывӕллӕтты Евпаторийаг ӕфсӕддон клиникон санаторийы къухдариуӕгадимӕ

ЦХИНВАЛ, 9 июн – Sputnik, Хъуылымбегты Азӕмӕт. Сывӕллӕттӕ-инвалидтӕн Хуссар Ирыстонӕй уыдзӕн фадат ӕрвылаз дӕр улӕфынмӕ, хос кӕнынмӕ ӕмӕ реабилитацимӕ ацӕуынӕн Сывӕллӕтты Евпаторийаг ӕфсӕддон клиникон санаторимӕ. Уый фӕдыл бадзырдтой Хуссар Иры ӕнӕниздзинад хъахъхъӕнынады министрады (ӔХМ) къухдариуӕгад ӕмӕ санаторийы директор Юрий Пономаренко, фехъусын кодта пресс-конференцийы Sputnik ӕнӕниздзинад хъахъхъӕнынады министр Наниты Сослан.

Республикӕйы ӔХМ ацы бонты арвыста арӕнӕвӕрд фадӕттимӕ сабиты, сидзӕрты ӕмӕ ӕххуысхъуаг бинонты сывӕллӕтты социалон-реабилитацион центр "Радуга"-мӕ Хӕсӕг-Балхъармӕ. Сывӕллӕтты фыццаг къорд баулӕфдзӕн Нальчикы курортон районы дыууӕ къуырийы.

"Ахӕм мадзӕлттӕ уадздзыстӕм ӕппынӕдзух, сахъат сывӕллӕтты балцытӕ улӕфынмӕ суыдзысты ӕрвылазон. Нӕ министрад бадзырдта Евпаторийаг ӕфсӕддон клиникон санаторийы къухдариуӕгадимӕ - уый у профилон уагдон инвалид сабитӕн. Сывӕллӕтты церебралон паралич кӕмӕн ис, уыцы сабиты иууылдӕр мах ӕрвылаз дӕр ӕрвитдзыстӕм Сау денджызы былмӕ Хъырыммӕ", - радзырдта Наниты Сослан.

Йӕ ныхӕстӕм гӕсгӕ, ацы санаторийы ресурстӕ сты уӕрӕх, ис сын сӕхи специалисттӕ травматологи ӕмӕ ортопедийы къабӕзты, аразынц алыгъуызон операцитӕ, ис сӕм уникалон ифтонгад, уый хыгъды эндопротезкӕнынадӕн дӕр.

"Нӕ сабитӕн уыдзӕн фадат ӕнӕаргъ улӕфт, бон фондз хатты хӕрд, реабилитаци сӕхицӕн ӕмӕ семӕ чи ацӕуа, уыдонӕн. Фӕндагон хӕрдзты иу хай хицауад райсдзӕн йӕхимӕ.Ацы фарстыл нарма ӕруынаффӕ кӕндзыстӕм", - банысан кодта министр.

Сывӕллӕтты фыццаг къорды балц, бафтыдта уый, нысангонд у ацы аз сентябрьмӕ.

Республикӕйы сӕйраг педиатр Хӕныкъаты Ларисайы бӕрӕггӕнӕнтӕм гӕсгӕ, Хуссар Ирыстоны ис 181 сахъат сывӕллоны, уыдонӕй 36 ис диагноз СЦП. Уыдонӕй 15 сты коляскӕтыл, хӕдзарон хоскӕнынадыл. Иннӕ сывӕллӕттӕн сӕхи бон у цӕуын.

16
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3