Бибылты Олегы хӕдзарад

Цхинвалы базармӕ рацыд бынӕттон сӕгъы ӕхсыр

129
(ранӕуӕггонд 16:02 10.06.2021)
Бынӕттон сӕгъы ӕхсырӕй хос кӕнынц аллергийӕн, ис ын бирӕ пайдаджын ӕууӕлтӕ, иттӕг хорз у ӕнахъом сабитӕн

ЦХИНВАЛ, 9 июн – Sputnik, Плиты Фатимӕ. Хуссар Ирыстоны столицӕйы уӕй кӕнын райдыдтой бынӕттон сӕгъы ӕхсыр. Ӕхсыр хорз у ӕнахъом сабитӕн ӕмӕ иуварс кӕны аллерги.

Бибылты Олег йӕ фермерон хӕдзарад бакодта йӕ райгуырӕн хъӕу Тъыбеты ивгъуыд аз. Уый ӕрласта сӕгъты ног мыггаг, кӕцы дӕтты бирӕ ӕхсыр. Хӕдзарад йӕ къахыл куыд лӕууы, афтӕ ӕппӕт ӕнӕмӕнгхъӕуӕг гӕххӕттытӕ дӕр цӕттӕ цӕуынц.

"Раздӕр нӕ быдыртӕ уыдысты фосӕй йедзаг, ныр та скӕрдӕг ӕмӕ схъӕд сты, ӕмӕ уымӕ гӕсгӕ аскъуыддзаг кодтон скӕнын сӕгътӕ. Буденовскӕй ӕрластон Зааненаг мыггаг (швейцариаг). Ацы урс-урсид сӕгътӕ дӕттынц бирӕ ӕхсыр", - загъта фермер.

Рагзаманты ӕнахъом сабитӕн дӕттой сӕгъы ӕхсыр, уый сабийӕн нымайынц тынг ӕнцонтайӕн ӕмӕ пайдаджыныл - уый уыд амалиуӕггӕнӕджы дыккаг аргумент фос скӕнынӕн.

Фермерское хозяйство Олега Бибилова
Из архива Олега Бибилова
Бибылты Олегы хӕдзарад

"Мӕ сӕгътӕ хизынц сӕрибарӕй быдыры, фылдӕр бӕлӕсты къалиутӕ хӕрынц, уымӕ гӕсгӕ зӕгъӕн ис дӕттынц экологион сыгъдӕг продукт. Нӕ республикӕйы стӕмтӕ дардтой сӕгътӕ ӕмӕ уый тыххӕй скодтон ацы фос. Ӕлхӕнынц ӕй фылдӕр ӕнахъом сабитӕн", - бафтыдта уый.

Бибылты Оледжы хӕдзарады нырма ис сӕгъты ӕвзонг фӕлтӕр ӕмӕ уый бӕрц бирӕ ӕхсыр нӕ дӕттынц.

"Нырма сты ӕрыгон ӕмӕ литрӕй чысыл фылдӕр дӕттынц, фӕлӕ фӕстӕдӕр фӕхуыздӕр хъуамӕ уой сӕ бӕрӕггӕнӕнтӕ", - дзуры Олег.

Фермерское хозяйство Олега Бибилова
Из архива Олега Бибилова
Бибылты Олегы хӕдзарад

Сӕгъы ӕхсыр Бибылты Олег ныр дӕр хӕццӕ кӕны бынӕттон дуканитӕм. Пайдаджын ӕхсырӕй бирӕтӕ фидар кӕнынц се 'нӕниздзинад.

"Мӕ хӕстӕгӕн ацы рӕстӕг йӕ аллерги стынг вӕййы. Сӕгъы ӕхсыр цы рӕстӕг нуазы, уыцы рӕстӕг ферох кодта йӕ проблемӕ. Иу сылгоймаг та мӕм цӕуы ӕндӕр хъӕуӕй, уыдонӕн та сӕ сывӕллон уыд лӕмӕгъ, уый дӕр схъӕддых ис", - балхынцъ кодта уый.

Оледжы хӕдзарады ис дӕсӕй фылдӕр дуцгӕ сӕгъы, цадӕггай рӕзынц сӕныччытӕ дӕр. Фидӕны йӕ фӕнды ноджы рауӕрӕх кӕнын йӕ амалиуӕгад.

Фермерское хозяйство Олега Бибилова
Из архива Олега Бибилова
Бибылты Олегы амалиуӕгад
129
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3