Фидауынгӕнджытӕ Цхинвалы

Уый никуыуал сфӕлхатт уыдзӕн: УФ Думӕйы депутат Хуссар Иры 2008 азы хӕсты тыххӕй

15
(ранӕуӕггонд 14:20 10.06.2021)
Паддзахадон Думӕйы депутат Виктор Водолацкийы ныхӕстӕм гӕсгӕ, Уӕрӕсе алцыдӕр аразы Хуссар Ирыстоны ӕдасдзинад бахъахъхъӕныны ӕмӕ йӕ размӕцыды тыххӕй

ЦХИНВАЛ, 10 июн – Sputnik, Козаты Диана. Уӕрӕсе никуы ӕруадздзӕн 2008 азы августы цауты фӕлхатын, фехъусын кодта УФ Паддзахадон думӕйы ХПӔ хъуыддæгтæ, евразиаг интеграци æмæ æмбæстæгтимæ бастдзинæдты фæдыл комитеты сæргълæууæджы фыццаг хæдивæг депутат Виктор Водолацкий.

Уӕрӕсейы боны хӕдразмӕ Sputnik пресс-центры ацыд видеохид Мӕскуы-Цхинвал-Сухум ахӕм темӕйыл: "Уӕрӕсейы роль Абхаз ӕмӕ Хуссар Ирыстоны сӕндидзыны: хӕларад ӕмӕ интеграци". Йӕ хайадисджытӕ ссисты ХПӔ хъуыддæгтæ, евразиаг интеграци æмæ æмбæстæгтимæ бастдзинæдты фæдыл комитеты сæргълæууæджы фыццаг хæдивæг Виктор Водолацкий, уӕрӕсейаг минӕвар Хуссар Иры Марат Кулахметов ӕмӕ Уӕрӕсейы минӕвар Абхазы Алексей Двинянин.

"Уӕрӕсе никуыуал ӕруадздзӕн, цӕмӕй ма Хуссар Ирыстоны территоримӕ иу чысыл нӕмыг дӕр ӕрбатӕха", - загъта Водолацкий.

Уый банысан кодта, зӕгъгӕ, УФ ӕфсӕддонтӕ ӕмӕ арӕнхъахъхъӕнджытӕ, кӕцытӕ службӕ кӕнынц Хуссар Ирыстоны, ӕмӕ дыууӕ бӕстӕ цы куыст уадзынц, уыдон алыварсонӕй кӕй хъахъхъӕнынц республикӕйы ӕдасдзинад.

"Ис регионы райрӕзты перспективӕтӕ, ракӕндзӕн дзы иуы кой. Ныртӕккӕ скъуыддзаг цӕуы иумӕйаг кадетон корпус саразыны фарст, кӕцы баконд ӕрцӕудзӕн кӕнӕ Дзӕуджыхъӕуы, кӕнӕ та Цхинвалы, цӕмӕй республикӕ йӕхӕдӕг цӕттӕ кӕна йӕ фидӕны хъахъхъӕнджыты. Фӕлӕ уын ныфс ӕвӕрын, 2008 азы августы цы цаутӕ ӕрцыд, уыдон никуыуал сфӕлхатт уыдзысты", - бахахх кодта Водолацкий.

Уый радзырдта, кӕй ӕрцыд уыцы уӕззау бонты Хуссар Ирыстонмӕ ӕмӕ йӕхӕдӕг кӕй акодта Ростовмӕ ӕртӕсӕдӕмӕ ӕввахс чысыл сабийы ӕмӕ ӕвгъӕддон сылгоймӕгты.

"Мӕ цӕстыты раз цыдысты уыцы сау хабӕрттӕ, куы мардтой сывӕллӕтты, сылгоймӕгты, карджын адӕмы. Уыдон, афтӕ ма уӕрӕсейаг ӕфсӕддонты рухс нӕттӕ махӕй никуы ферох уыдзысты. Ӕз ӕй ӕмбарын, Ростовы зӕххыл цы хуссарирыстойнаг чысыл ӕмбӕстӕгтӕ райгуырд, уыдон тыххӕй бӕрндзинад кӕй хӕссын", - бафтыдта уӕрӕсейаг депутат.

Гуырдзыстон 2008 азы 8 августы ӕхста Хуссар Ирыстон "Град"-ӕй, Гуырдзыйы ӕфсӕдтӕ ӕрбабырстой республикӕмӕ. Уӕрӕсе, Хуссар Ирыстоны цӕрджыты хъахъхъӕнгӕйӕ, кӕцыты стыр хай райста УФ ӕмбӕстӕггад, бакодта йе 'фсӕдты республикӕмӕ ӕмӕ фондзбонон хӕсты фӕстӕ фӕтардта Гуырдзыстоны ӕфсӕдты. Мӕскуы 2008 азы 26 августы банымадта Хуссар Ирыстон ӕмӕ Абхазы хӕдбардзинад.

15
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3