Владимир Путин

Уӕрӕсейы фӕстаг фӕдзӕхст: эксперттӕ Путины "украинаг" интервьюйы тыххӕй

6
(ранӕуӕггонд 10:43 11.06.2021)
Экспертты хъуыдымӕ гӕсгӕ, уӕрӕсейаг лидер сарӕзта "сырх хахх" Киев ӕмӕ НАТО-йӕн, кӕцыйы сӕрты ахызт ӕркӕндзӕн уӕззау фӕстиуджытӕм

ЦХИНВАЛ, 11 июн — Sputnik. Украина НАТО-мӕ куы бахиза, уӕд уый уыдзӕн комкоммӕ ӕртхъирӕн Уӕрӕсейӕн, "сырх хахх"-ы сӕрты ахызт. Ацы хъуыды Владимир Путин фехъусын кодта телеканал "Россия 1"-ӕн интервьюйы рӕстӕджы.

Уӕрӕсейаг лидер зӕрдыл ӕрбалӕууын кодта, Польша ӕмӕ Румыни НАТО-мӕ куы бахызтысты, уӕд ацы бӕстӕты территорийыл сӕвӕрдтой ракетӕты ныхмӕ хъахъхъӕнынады системӕтӕ, кӕцытӕй ис фадат пайда кӕныны бабырсты рӕстӕджы дӕр. Афтӕмӕй Мӕскуыйы онг ракетӕ тӕхдзӕн ӕрмӕстдӕр 15 минуты.

"Украина НАТО-йы скондмӕ куы бахиза, уӕд Харьков кӕнӕ Днепропетровскӕй Уӕрӕсейы Централон хаймӕ, Мӕскуымӕ, ракетӕтӕ тӕхдзысты 7-10 минутмӕ. Уый махӕн "Сырх хахх" у ӕви нӕ?", - фехъусын кодта президент.

Ӕфсӕддон эксперт Алексей Леонковы хъуыдымӕ гӕсгӕ, Владимир Путины ныхӕстӕ хъуамӕ "бахъарой" Ныгуылӕны бӕстӕтӕм.

"Мӕскуы сабырӕй нал кӕсдзӕн НАТО-йы размӕцыдмӕ. Уыцы рӕстӕджытӕ фесты. Ныры уавӕр бахӕццӕ "сырх хахх"-мӕ. Путины ныхӕстӕ хъӕуы ӕмбарын куыд фӕстаг уӕрӕсейаг фӕдзӕхст", - хъусын кӕны Sputnik ныхасӕмбал.

Уӕрӕсейы президент йӕ интервьюйы бахахх кодта, Украина ӕцӕг дӕр кӕй фӕнд кӕны бахизын Цӕгататлантикон альянсмӕ.

"Сӕйраг проблемӕ альянсы нӕй, фӕлӕ уый мидӕг ӕмӕ Америкӕ, ӕвӕццӕгӕн, иунӕгӕй нывӕнды бакӕнын Украинайы НАТО-мӕ, фӕлӕ йын нӕ дӕттынц ӕдасдзинады гарантитӕ. Уый фӕдыл Киев у тӕссаг америкайаг плацдарм, ууыл дзырдта Владимир Путин дӕр", - банысан кодта ХПӔ бӕстӕты Институты разамонӕг Владимир Жарихин.

Укаринайы бахызт НАТО-мӕ фӕзынын кӕндзӕн ӕндыгъд уавӕр альянс ӕмӕ уӕрӕсейы хсӕн ахастыты. Фӕлӕ конфронтаци фӕтыхджындӕр кӕнын нырма нӕй Ныгуылӕны бӕстӕты интересты, хъусын кӕны Алексей Леонков.

"Киев хъусын кӕны Уӕрӕсеимӕ хӕсты тыххӕй. Уыимӕ иумӕ, НАТО-йы ис Вашингтойнаг бадзырд, кӕцыйы фӕндзӕм пунктмӕ гӕсгӕ организацийы уӕнгтӕй иумӕ куы бабырсой, уӕд хъуамӕ уыцы паддзахады ныхмӕ сӕххӕст кӕной дзуаппон архӕйдтытӕ. Афтӕмӕй зӕгъӕн ис, Украина альянсмӕ куы бахиза, уӕд НАТО хъуамӕ ӕрбаиу уа хӕстмӕ. Ӕмӕ уый та никӕй фӕнды", - загъта специалист.

6
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

4
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

4
Сценӕ

ХИПУ ректор студенттӕ-актерты тыххӕй: тагъд рӕстӕджы хъаздзысты сӕйраг рольты

5
(ранӕуӕггонд 17:16 11.06.2021)
Sputnik пресс-конференцийы рӕстӕджы Тедеты Вадим загъта йӕ хъуыды ХИПУ-йы актерон дӕсниады факультетмӕ студентты райсыны тыххӕй

ЦХИНВАЛ, 11 июн - Sputnik, Гӕбӕраты Элина. Студенттӕ, кӕцытӕ ахуыр кӕнынц актерон дӕсниад ХИПУ-йы, сӕхи ӕвдисынц иттӕг хорз, фехъусын кодта Хуссар Ирыстоны паддзахадон университеты ректор Тедеты Вадим Sputnik Хуссар Ирыстоны пресс-конференцийы рӕстӕджы.

Дӕсниад "Актерон аивад" бакодтой ХИПУ-йы 2020 азы. Дӕсниады фӕдыл дисциплинӕтӕ студенттӕн уадзынц Хуссар Ирыстоны Паддзахадон драмон театры актертӕ.

Тедеты Вадим банысан кодта, ахуыргӕнджытӕ кӕй уадзынц фидӕны актертимӕ уӕлӕмхасӕн ахуыртӕ.

Ректоры ныхӕстӕм гӕсгӕ, актерон дӕсниад сахуыр кӕныны ӕмгъуыд у цыппар азы. Уый фидарӕй загъта, иу-дыууӕ азы фӕстӕ фидӕны актертӕн уыдзӕн фадат ӕххӕст кӕнын сӕйраг рольтӕ ӕмӕ банысан кодта, спектакль "Дон Жуан"-ы фӕсивӕд сӕхи иттӕг хорз равдыстой дыккаг планы рольты.

Тедеты Вадим зӕрдыл ӕрбалӕууын кодта, "Актерон аивад" дӕсниадмӕ абитуриентты райстой ӕрмӕст иу хатт, курс бакӕныны фӕдыл хъӕппӕрис та бахаста Хетӕгкаты Къостайы номыл Паддзахадон драмон театр.

"Махӕн ныр иууыл ахсджиаг у, цӕмӕй рауагъдонтӕ бахизой театралон труппӕйы скондмӕ. Уый фӕстӕ кӕд бахъӕуа, уӕд бакӕндзыстӕм ноджы иу курс", - банысан кодта ректор.

Пресс-конференцимӕ фӕхуыдтой студентон советы сӕрдар Кокойты Аннайы дӕр, кӕцы банысан кодта, ахуыргӕнӕндоны кӕй ис алы уавӕртӕ дӕр студентты сфӕлдыстадон нывӕзтыты реализацийӕн.

Кокойты Анна ма бахахх кодта, кӕй йӕ фӕнды уынын университеты фылдӕр активон ӕмӕ уӕздан студентты.

Анна Кокоева
© Sputnik
Кокойты Анна
5