Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

© Sputnik / Евгений Одиноков /  Ахизын медиабанкмæКоронавирус
Коронавирус - Sputnik Хуссар Ирыстон, 1920, 11.06.2021
Рафыссын
Республикӕйы пандемийы рӕстӕджы коронавирусӕй ӕдӕппӕт фӕрынчын сты 3 367 адӕймаджы, медикты хъусдарды бын ма ныр сты 29 адӕймаджы

ЦХИНВАЛ, 11 июн — Sputnik, Гӕбӕраты Элина. Хуссар Ирыстоны ивгъуыд суткӕйы сбӕрӕг кодтой фондз ног рынчыны коронавирусӕй, фехъусын кодта Sputnik Югосетпотребнадзоры сӕргълӕууӕг Коцты Марина.

Хуссар Ирыстоны пандемийы рӕстӕджы коронавирусӕй ӕдӕппӕт фӕрынчын сты 3 367 адӕймаджы.

"Югосетпотребнадзоры лабораторийы ивгъуыд суткӕйы сарӕзтой 38 тесты коронавирус рабӕрӕг кӕныны фӕдыл, уыдонӕй фондз радтой ӕвӕрццаг фӕстиуӕг", - загъта Коцты Марина.

Уагдоны лабораторийы ӕдӕппӕт сарӕзтой 23 122 тесты коронавирусон инфекци рабӕрӕг кӕныны фӕдыл.

"Ивгъуыд суткӕйы дӕргъы медицинон хыгъдӕй систой дыууӕ адӕймаджы, пандемийы рӕстӕджы сӕнӕнизуӕвджыты иумӕйаг нымӕц схызт 3 338 онг", - банысан кодта сӕйраг санитарон дохтыр.

Медикты хъусдарды бын ма стационарон ӕмӕ амбулаторон хоскӕнынадыл сты 29 адӕймаджы.

Ног хабӕртты лентӕ
0