Цхинвалы банысан кодтой Уӕрӕсейы бон

Цхинвалы банысан кодтой Уӕрӕсейы бон

50
(ранӕуӕггонд 15:29 11.06.2021)
Организатортӕ ӕрвылазон куысты презентаци-хыгъд ӕрӕмных кодтой Уӕрӕсейы бонмӕ, кӕцы ацы бонты нысан цӕуы Хуссар Ирыстоны

ЦХИНВАЛ, 11 июн — Sputnik, Плиты Фатимӕ. Уӕрӕсейы бон банысан кодтой Цхинвалы сывӕллӕтты библиотекӕйы. Мадзалмӕ ӕрхуыдтой сӕ кӕсджыты ӕмӕ ныййарджыты, культурӕйы министр ӕмӕ президент Бибылты Анатолийы.

Организатортӕ ӕрвылазон куысты презентаци-хыгъд ӕрӕмных кодтой Уӕрӕсейы бонмӕ, кӕцы ацы бонты нысан цӕуы Хуссар Ирыстоны.

В детской библиотеке отметили День России
© Sputnik / Фатима Плиева
Цхинвалы банысан кодтой Уӕрӕсейы бон

Сывӕллӕтты библиотекӕйы хистӕр Джиоты Алла банысан кодта, ацы мадзалӕй бузныг кӕй зӕгъынц сӕ ирвӕзынгӕнӕгӕн.

"Мах бузныг зӕгъӕм Уӕрӕсейӕн, кӕцы у нӕ ирвӕзынгӕнӕг, уый нӕ бауагъта цӕгъдын ирон адӕмы 2008 азы августы", - загъта Джиоты Алла.

Уый ма фенын кодта уазджытӕн ахадгӕ чингуыты фонд, кӕцы ӕрӕджы райстой Россотрудничествойы хайады.

"Ивгъуыд аз нын радтой 600 экземпляры, иууылдӕр сты ахӕм чингуытӕ, кӕцытӕ хъӕуынц сабиты",- бафтыдта уый.

В детской библиотеке отметили День России
© Sputnik / Фатима Плиева
Цхинвалы банысан кодтой Уӕрӕсейы бон

Мадзалмӕ президент ӕрбацыд лӕвӕрттимӕ - ӕрбахаста сывӕллӕты литературӕ ирон ӕмӕ уырыссаг ӕвзӕгтыл. Уӕрӕсейы боны цытӕн та уагдонӕн балӕвар кодта Уӕрӕсейы символтӕй иу - матрешки.

Паддзахады разамонӕг ма ӕрдзырдта ирон ӕвзаджы уавӕрыл. Бибылты Анатолий банысан кодта, сывӕллӕттӕ уырыссаг ӕвзаг хорз кӕй ахуыр кӕнынц уый хорз хъуыддаг у, фӕлӕ уый хъуамӕ ма ахса мадӕлон ӕвзаджы бынат.

"Уӕ зӕрдыл ӕрдарут Нафийы цардвӕнаг, уый мадӕлон ӕвзагыл фысгӕйӕ ссис номдзыд ахуыргонд. Хорз у уырыссаг ӕвзаг кӕй ахуыр кӕнут, фӕлӕ ӕвзӕр та уый у, ӕмӕ ирон рох кӕнут", - ӕрсид президент кӕстӕртӕм.

Паддзахады разамонӕг ма ӕрдзырдта, гӕнӕн уӕвгӕйӕ кӕй хъӕуы фестырдӕр кӕнын сывӕллӕтты библиотекӕйы кӕсӕг залы хатӕнтӕ. 

50
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3