ХИПУ

"Стыр ӕнтыстытӕ": ХИПУ ректор пандемийы аххосӕй проблемӕтӕ ӕмӕ азы хатдзӕгты тыххӕй

14
(ранӕуӕггонд 17:17 11.06.2021)
Sputnik Хуссар Ирыстоны пресс-центры ацыд ХИПУ ректор Тедеты Вадимы пресс-конференци. Уый радзырдта ахуыргӕнӕндоны куыстыл карантины уавӕрты, афтӕ ма ӕрхаста бӕрӕггӕнӕнтӕ сырх дипломтимӕ рауагъдонтӕ ӕмӕ университеты кусджыты фӕдыл

ЦХИНВАЛ, 11 июн - Sputnik, Гӕбӕраты Элина. Хуссар Ирыстоны паддзахадон университеты ректор Тедеты Вадим радзырдта журналисттӕн, куыд бандӕвта коронавирус ахуыргӕнӕндоны куыстыл. Йӕ ныхӕстӕм гӕсгӕ, ХИПУ ахуыргӕнджытӕ ӕмӕ студенттӕ рахызтысты кризисон уавӕрӕй минималон фесӕфтимӕ. Ректоры фембӕлд ДИФ минӕвӕрттимӕ ацыд майрӕмбоны Sputnik Хуссар Ирыстоны пресс-центры.

"Хуссар Ирыстоны паддзахадон университетӕн бантыст рахизын уавӕрӕй минималон фесӕфтимӕ. Республикӕйы алыгъуызон периодты уыд карантин, ӕмӕ мах ӕрурӕдтам аудиторон ахуыртӕ. 2020 азы 20 октябры куы ӕрурӕдтам нӕ куыст, уӕддӕр ссардтам фадат адарддӕр кӕнын фыццаг семестры ахуыр 15 январӕй. Мах адарддӕр кодтам аудиторон ахуыртӕ, аргъӕвтам зымӕгон сесси, ӕмӕ фӕстӕдӕр райдыдтам дыккаг семестр", - радзырдта ректор.

Тедеты Вадимы ныхӕстӕм гӕсгӕ, дыккаг семестр ацыд ӕмбӕлон ӕмвӕзадыл.

Вадим Тедеев
© Sputnik
Тедеты Вадим

Карантинон мадзӕлттӕ бандӕвтой ӕрмӕст ахуырадон процессыл нӕ, фӕлӕ ма нывӕзтгонд мадзӕлттыл дӕр.

Уымӕй дарддӕр, Тедеты Вадим радзырдта студентты тыххӕй, кӕцытӕ фӕнд кӕнынц райсын сырх дипломтӕ, афтӕ ма ахуыргӕнӕндоны кусджыты тыххӕй дӕр, кӕцытӕ хъуамӕ бахъахъхъӕной сӕ диссертацитӕ.

Аспирантурӕйы кӕй фӕнды адарддӕр кӕнын йӕ ахуыр, уыцы рауагъдонтыл дзургӕйӕ ректор банысан кодта, аз ӕмӕ ӕрдӕгмӕ университет кӕй арвыста Донецкмӕ 19 кусӕджы, кӕцытӕ ныридӕгӕн фыссынц диссертацитӕ Донецкы фондз ахуыргӕнӕндоны.

"Ацы аз уыдонӕй цыппар хъахъхъӕндзысты кандидатон диссертацитӕ, иу та – докторон. Уый у ӕнтыст, кӕцы махӕн никуы нӕ уыд", - бахахх кодта ректор.

Афтӕ ма ХИПУ кусджытӕ цӕттӕ кӕнынц диссертацитӕ хъахъхъӕнынмӕ Уӕрӕсе ӕмӕ Луганскы ахуыргӕнӕндӕтты.

14
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

4
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

4
Сценӕ

ХИПУ ректор студенттӕ-актерты тыххӕй: тагъд рӕстӕджы хъаздзысты сӕйраг рольты

5
(ранӕуӕггонд 17:16 11.06.2021)
Sputnik пресс-конференцийы рӕстӕджы Тедеты Вадим загъта йӕ хъуыды ХИПУ-йы актерон дӕсниады факультетмӕ студентты райсыны тыххӕй

ЦХИНВАЛ, 11 июн - Sputnik, Гӕбӕраты Элина. Студенттӕ, кӕцытӕ ахуыр кӕнынц актерон дӕсниад ХИПУ-йы, сӕхи ӕвдисынц иттӕг хорз, фехъусын кодта Хуссар Ирыстоны паддзахадон университеты ректор Тедеты Вадим Sputnik Хуссар Ирыстоны пресс-конференцийы рӕстӕджы.

Дӕсниад "Актерон аивад" бакодтой ХИПУ-йы 2020 азы. Дӕсниады фӕдыл дисциплинӕтӕ студенттӕн уадзынц Хуссар Ирыстоны Паддзахадон драмон театры актертӕ.

Тедеты Вадим банысан кодта, ахуыргӕнджытӕ кӕй уадзынц фидӕны актертимӕ уӕлӕмхасӕн ахуыртӕ.

Ректоры ныхӕстӕм гӕсгӕ, актерон дӕсниад сахуыр кӕныны ӕмгъуыд у цыппар азы. Уый фидарӕй загъта, иу-дыууӕ азы фӕстӕ фидӕны актертӕн уыдзӕн фадат ӕххӕст кӕнын сӕйраг рольтӕ ӕмӕ банысан кодта, спектакль "Дон Жуан"-ы фӕсивӕд сӕхи иттӕг хорз равдыстой дыккаг планы рольты.

Тедеты Вадим зӕрдыл ӕрбалӕууын кодта, "Актерон аивад" дӕсниадмӕ абитуриентты райстой ӕрмӕст иу хатт, курс бакӕныны фӕдыл хъӕппӕрис та бахаста Хетӕгкаты Къостайы номыл Паддзахадон драмон театр.

"Махӕн ныр иууыл ахсджиаг у, цӕмӕй рауагъдонтӕ бахизой театралон труппӕйы скондмӕ. Уый фӕстӕ кӕд бахъӕуа, уӕд бакӕндзыстӕм ноджы иу курс", - банысан кодта ректор.

Пресс-конференцимӕ фӕхуыдтой студентон советы сӕрдар Кокойты Аннайы дӕр, кӕцы банысан кодта, ахуыргӕнӕндоны кӕй ис алы уавӕртӕ дӕр студентты сфӕлдыстадон нывӕзтыты реализацийӕн.

Кокойты Анна ма бахахх кодта, кӕй йӕ фӕнды уынын университеты фылдӕр активон ӕмӕ уӕздан студентты.

Анна Кокоева
© Sputnik
Кокойты Анна
5