Реком

Ирыстоны цӕрджытӕ банысан кӕндзысты "Реком"-ы бӕрӕгбон

9
(ранӕуӕггонд 11:50 15.06.2021)
Ирыстоны ӕрвылаз нысан кӕнынц сӕйраг бӕрӕгбонтӕй иу "Реком"-ы кувӕндоны раз. Ацы бынатмӕ ӕрцӕуынц мингай адӕм Цӕгат ӕмӕ Хуссар Ирыстонӕй

ЦХИНВАЛ, 15 июн – Sputnik, Хъуылымбегты Азӕмӕт. Сабаты, 19 июны, "Реком"-ы кувӕндоны уагъд цӕудзӕн динон бӕрӕгбон, кӕцымӕ ӕрӕмбырд уыдзысты Цӕгат ӕмӕ Хуссар Ирыстоны цӕрджытӕ, фехъусын кодта Sputnik ӕхсӕнадон архайӕг Бететы Юрий.

Кувӕндоны раз бӕрӕгбонӕн ис ӕнӕфехӕлгӕ фӕтктӕ ӕмӕ ӕгъдӕуттӕ. Кувӕндон ис Цъӕйы комы уӕллаг хайы, схизыны бар ӕм ис ӕрмӕстдӕр нӕлгоймӕгтӕн. Фӕлӕ уырдӕм фӕндагыл ис "Мад Майрӕмы" кувӕндон дӕр, цы ран сылгоймӕгтӕ скувынц ӕмӕ сӕхи бафӕдзӕхсынц. Сыгъдӕг бынатмӕ хъӕуы схизын ӕнӕ къахдарӕсӕй, сылгоймӕгтӕ та традицимӕ гӕсгӕ хъуамӕ уой сӕрбӕттӕнтимӕ.

"Ацы кувӕндоны рагӕй уагъд цӕуы бӕрӕгбон. Ӕрбацӕуынц дзы традицион дины ӕмӕ рӕстдинонтӕ дӕр. Кувӕндон ӕмӕ йӕ алыварсмӕ дӕр цӕуынц ӕрмӕстдӕр нӕлгоймӕгтӕ. Сылгоймӕгтӕ та бацӕуынц "Мад Майрӕмы" онг", - загъта Бететы Юрий.

Уый ма бафтыдта, зӕгъгӕ, скувын кӕй фӕнды, уыдон ӕрбахӕссынц ӕртӕ уӕлибыхы, ӕртӕ фӕрскы ӕмӕ хӕдзарон бӕгӕны.

"Адӕм ӕрбацӕуынц, ӕртӕ хатты ӕрзилынц "Реком"-ы алыварс. Уый фӕстӕ фӕсивӕд райдайы зарын ӕмӕ кафын. Цъус фӕстӕ райдайы куывд. Уым вӕййын ӕртӕ хистӕры, ӕмӕ уыдон зӕгъынц фӕйнӕ ӕртӕ куывды", - загъта Бететы Юрий.

Рекомы тыххӕй дзырд цӕуы Нарты кадджыты. Нарты Батрадз аскъуыддзаг кодта схӕцын Хуыцау ӕмӕ зӕдтимӕ, ӕмӕ йӕ Хуыцау бафхӕрдта йӕ схъӕлдзинады тыххӕй. Хъӕбатыр лӕппуйыл мӕт гӕнгӕйӕ, Хуыцау ӕрыппӕрста ӕртӕ цӕссыджы, уыдонӕй стӕй райгуырд "Реком", "Мыкалгабыртæ" æмæ "Таранджелос".

9
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

7
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

7
Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

8
(ранӕуӕггонд 13:10 20.10.2021)
Хуссарирыстойнаг ӕфсӕддонтӕ хайад исдзысты иумӕйаг ахуырты Абхазимӕ, кӕцы ауадзыны фӕдыл бадзырдтой сентябры дыууӕ бӕстӕйы президенттӕ

ЦХИНВАЛ, 20 окт - Sputnik. Хуссар Ирыстоны Хъахъхъӕнынады министрады сӕрмагонд нысаниуӕджы батальоны кусджытӕ ӕрцыдысты Абхазмӕ, цӕмӕй хайад райсой командон-штабон ахуырты, хъусын кӕны ӕртыццӕджы уагдоны пресс-службӕ.

Ӕфсӕддонтимӕ Абхазмӕ ӕрцыд делегаци РХИ Гарзджын тыхты Генштабы хистӕр Виктор Федоровы сӕргълӕудӕй.

Хъахъхъӕнынады министрады банысан кодтой, зӕгъгӕ, хуссарирыстойнаг ӕфсӕддонты хайадисты тыххӕй иумӕйаг ахуырты бадзырдтой дыууӕ бӕстӕйы Гарзджын тыхты командӕгӕнджытӕ, президенттӕ Бибылты Анатолий ӕмӕ Аслан Бжания.

"Националон ӕфсады ацы бадзырд райстой зӕрдиагӕй, кусджытӕ сӕхи хорз равдыстой цӕттӕкӕнынады этапы рӕстӕджы ӕмӕ активон хайад райсдзысты ахуырты", - бахахх кодтой уагдоны.

Уагдоны минӕвар радзырдта, ахуырты нывӕзты кӕй сты хӕстон ӕхстытӕ артиллери ӕмӕ авиацийы хайадистӕй.

Хуссар Ирыстоны хъахъхъӕнынады министр Гассеты Ибрагим банысан кодта, националон ӕфсады хайадист иумӕйаг ахуырты кӕй фӕфылдӕр кӕндзӕн фӕлтӕрддзинад ӕмӕ сфидар кӕндзӕн ӕфсӕддон хӕларад.

8