Александр Приходько

Хуссар Иры ӕнӕниздзинад хъахъхъӕнынады министрӕн снысан кодтой ног хӕдивӕджы

4
Ӕнӕниздзинад хъахъхъӕнынады министры ног хӕдивӕджы кандидатурӕ сфидар кодта республикӕйы хицауад цыппӕрӕмы

ЦХИНВАЛ, 17 июн - Sputnik, Козаты Диана. Хуссар Ирыстоны хицауад снысан кодта Александр Приходькойы республикӕйы ӕнӕниздзинад хъахъхъӕнынады министры ног хӕдивӕгӕй.

"Уый у специалист, кӕцы хъӕуы республикӕйы ӕнӕниздзинад хъахъхъӕнынады системӕйы", - загъта уагдоны сӕргълӕууӕг Наниты Сослан.

Йӕ ныхӕстӕм гӕсгӕ, Александр Приходько йӕ хъус дардзӕн хостӕй ифтонгад, кадрон политикӕ ӕмӕ ӕхсӕнадӕмон ӕмгуыстады фарстытӕм.

Биографион справкӕ

Александр Приходько райгуырд 1986 азы 17 марты горӕт Грозныйы.

Ахуырад:

2003 аз – Казаны Суворовы ӕфсӕддон ахуыргӕнӕндон.

2003 – 2008 азты – Уӕрӕсейы Федерацийы Хъахъхъӕнынады министрады "Ӕфсӕддон университет". Дӕсниад: психологи.

2003 – 2008азты – "Прфессионалон инновациты институт", Мӕскуы. Дӕсниад: юриспруденци.

Куысты фӕлтӕрддзинад:

2003 -2010 азты – службӕ кодта Уӕрӕсейы Федерацийы Гарзджын тыхты.

2010 – 2011 азты – Компани "Профиконсалтинг". Проектты разамонӕг.

2011 – 2014 азты – Компани "Йогокава". HR – бизнес-партнер.

2015 – 2021 азты – Компани "Тотал". Генералон директор.

2019 – 2021 азты – Зонад-иртасӕн институт "Высшая школа экономики". Ӕрхонгӕ эксперт, лекциты курс "Управление персоналом МВА".

4
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16