Бибылты Олегы сӕгъты фермӕ

Се ʻхсыр - æвдадзы хос: куыд æрцæрын кодта Бибылты Олег швецарийаг сӕгъты Тъыбеты

196
(ранӕуӕггонд 15:39 17.06.2021)
Швецарийаг сӕгъты ӕхсыр у ӕнахуыр пайдаджын - фидар кӕны лӕмӕгъ сабиты, суры аллерги, фау ӕрхӕссӕн нӕй йӕ адмӕ дæр

ЦХИНВАЛ, 17 июн — Sputnik, Плиты Фатимӕ. Цхинвалы районы Тъбеты хъӕуӕй рацӕугӕ Бибылты Олег сфӕнд кодта фыццаг ӕрцӕрын кӕнын Хуссар Ирыстоны фӕсарӕйнаг сӕгъты мыггаг.

Олег швейцариаг сӕгъты Хуссар Ирыстонмӕ ӕрласта ивгъуыд азы. Урс-урсид рӕгъӕуттӕ тезгъо кӕнынц Тъбеты хъӕуы Бибылты сыхы. Фӕсарӕйнаг "уазджытӕ" хуссайраг уавӕрты сӕхи хатынц хорз.

Козья ферма Олега Бибилова
© Sputnik / Наталья Айриян
Бибылты Олегы сӕгъты фермӕ

Сӕ хицӕуттӕ - ӕвзонг къай Бибылты Олег æмæ Козаты Этерийы зӕрдӕтӕ райынц стыр цот ӕмӕ хӕрзгъӕд урсагӕй ӕмӕ сæ хъомтӕ æнæхъусдард нæ уадзынц.

"16 сӕгъы балхӕдтон, сӕ ӕргътӕ хызтысты 40 мины онг. Иу азмӕ хорз цот радтой, ныр хӕдзарады ис 40 сӕгъ ӕмӕ сӕныччы", - дзуры Бибылты Олег.

Уый бафиппайдта, зӕгъгӕ, бирӕ адӕм натуралон ӕхсыр фӕфауынц йӕ тӕфы тыххӕй, фӕлӕ тъбеттаг сӕгъты ӕхсыр уыцы аиппӕй дӕр цух у.

"Бынтондӕр ын тӕф нӕй. Мӕнӕн ӕй афтӕ бамбарын кодтой, зӕгъгӕ, тӕф кӕны рынчын фосы урсаг. Стӕй ма мын бацамыдтой, хъуамӕ дам сӕгъӕн йӕ сӕр хъуамӕ аныхай къухӕй ӕмӕ уый куы сымаг кӕна, уӕд йе 'хсыр дӕр дызӕрдыггаг уыдзӕн", - банысан кодта фермер.

Козья ферма Олега Бибилова
© Sputnik / Наталья Айриян
Бибылты Олегы сӕгъты фермӕ

Урс-урсид сӕгътӕ сты сабыр, адӕмыл ахуыр, узӕлд агурӕг ӕнӕзонӕ адӕммӕ дӕр цӕуынц. Ӕцӕг сӕ алкӕмӕн иугъуызон уагахаст нӕй. Сӕгъты хистӕры схуыдтой Борис, уый у тызмӕгдӕр. Иууыл фӕлмӕндӕр сӕгъ у Добрыня, ӕппынӕдзух хыл кӕй зӕрдӕ агуры, уый та схуыдтой Боксер. Аннæтæ нырма сты æнæном.

Фермер-мыддагӕг фосдарды сусӕгдзинӕдтӕ цасдӕр бӕрцӕй исы интернетӕй дӕр.

"Сӕгътӕн дуцӕн бынат куыд саразон, уый хуызӕг федтон интернеты, стӕй сӕм цы хъусдард хъӕуы, уый дӕр бакӕсын уым. Ӕмгуыст кӕнын бынæттон ветеринартимӕ. Бирӕ куыст ӕмӕ дзы хӕрдзтӕ ис. Самадтон сын скъӕт, балхӕдтон дуцӕн ифтонгад. Ме 'мкъай Козаты Этериимӕ ӕмӕ нӕ хӕстӕг Пӕррӕстаты Аланимӕ ӕппынӕдзух стӕм ацы куыстыл лӕуд", - радзырдта Олег.

Амалиуӕггӕнӕг нымайы, ацы куыст ӕнӕмӕнг кӕй суыдзӕн пайдаджын, ӕрмӕст продукци домы тагъд реализаци. Кӕд Хуссар Иры ӕруарзой ӕнӕниздзинадӕн пайдаджын ӕмӕ хӕрзад сӕгъы ӕхсыр, уӕд ныфс дӕтты, ноджы кӕй рауӕрӕх кӕндзӕн йӕ фермӕ.

Козья ферма Олега Бибилова
© Sputnik / Наталья Айриян
Бибылты Олегы сӕгъты фермӕ

"Иу мисхал дӕр нӕ фӕфӕсмон кодтон. Мӕ фыды уӕзгуытӕ уадз ӕмӕ ӕдзӕрӕг ма уой ӕмӕ ма схъӕд уой. Сӕгъ ӕгомыг фос у, фӕлӕ сӕ адӕймаг бауарзы, сӕ сӕныччытӕн къухӕй хӕрын кодтам, мӕ цӕст сӕ ӕргӕвдын нӕ уарзы", - дзуры Олег.

Козья ферма Олега Бибилова
© Sputnik / Наталья Айриян
Бибылты Олегы сӕгъты фермӕ

Бибылты Олегы хӕдзарады сыл сӕныччытӕ баххӕст кӕндзысты хӕдзарад, 11 нӕл сӕныччы та фӕстӕдӕр ныууӕй кӕндзӕн.

Ныридӕгӕн хӕдзарад дӕтты ӕрмӕст ӕхсыр, уый ӕнахуыр пайдаджын ӕууӕлтӕ рагӕй фӕстӕмӕ бӕрӕг сты, ӕгӕрыстӕмӕй йӕ амонынц лӕмӕгъ ӕнӕниздзинадимӕ сывӕллӕттӕн, афтӕ ма фӕтары кӕны аллерги дӕр. Фермер фӕстӕдӕр фӕнд кӕны йӕ урсаджы продукци рауӕрӕх кӕнын - йӕ урс фосы рӕгъаумӕ ма ноджы хъулон сӕгътӕ дӕр бамбал кӕнын.

"Ӕндæргъуызон сæгътæм дæр кæсын, стæй æрмæст æхсырыл дæр не ʻрлæудзæн. Мæ зæрды ис йогурт дæр уадзын", - балхынцъ кодта йӕ фæндтæ уый.

  • Бибылты Олегы сӕгъты фермӕ
    Бибылты Олегы сӕгъты фермӕ
    © Sputnik / Наталья Айриян
  • Бибылты Олегы сӕгъты фермӕ
    Бибылты Олегы сӕгъты фермӕ
    © Sputnik / Наталья Айриян
  • Бибылты Олегы сӕгъты фермӕ
    Бибылты Олегы сӕгъты фермӕ
    © Sputnik / Наталья Айриян
  • Бибылты Олегы сӕгъты фермӕ
    Бибылты Олегы сӕгъты фермӕ
    © Sputnik / Наталья Айриян
  • Бибылты Олегы сӕгъты фермӕ
    Бибылты Олегы сӕгъты фермӕ
    © Sputnik / Наталья Айриян
  • Бибылты Олегы сӕгъты фермӕ
    Бибылты Олегы сӕгъты фермӕ
    © Sputnik / Наталья Айриян
1 / 6
© Sputnik / Наталья Айриян
Бибылты Олегы сӕгъты фермӕ
196
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

14
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

14
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

18
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

18
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау