Хуссар Иры столицӕйы уынгтыл æруромдзысты фæндагон змæлд велозгъорды тыххæй

Хуссар Иры столицӕйы дӕс уынгыл æруромдзысты фæндагон змæлд велозгъорды тыххæй

18
(ранӕуӕггонд 12:53 18.06.2021)
Велосипедисты стыр къорд райсомӕй райдайдзысты сӕ балц Цхинвалы театралон фӕзуатӕй, бӕлццӕттӕ сӕ фӕндаг Къостайы хъӕумӕ скӕндзысты столицæйыл æрзилгæйæ

ЦХИНВАЛ, 18 июн — Sputnik, Плиты Фатимӕ. Хуссар Ирыстоны столицӕйы дæс уынгыл сабаты рæстæгмæ æруромдзысты фæндагон змæлд велозгъорд ауадзыны нысанæн, фехъусын кодтой Sputnik МХМ-йы пресс-службæйы.

Велосипедисты стыр къорд райсомӕй райдайдзысты сӕ балц Цхинвалы театралон фӕзуатӕй, бӕлццӕттӕ столицæйыл æрзилгæйæ стӕй та сӕ фӕндаг скӕндзысты Къостайы хъӕумӕ.

"Велосипедистты маршрут райдайдзæн райсом сабаты Театралон фæзуатæй. Уыдон абалц кæндзысты Хетæгкаты Къостайы уынгыл, стæй ацæудзысты 13 коммунарыл, уырдыгæй ахидзысты Ирæтты уынгмæ, дарддæр сæ маршрут у Путины уынгыл. Хъайтарты уынгæй ахиздзысты Исахъы уынгмæ, стæй сæ фæндаг скæндзысты Цъунармæ", - загътой пресс-службæйы.

Уым ма бафтыдтой, фæстæмæ здæхгæйæ згъорджытӕ сæ фæнаг кӕй ракæндзысты Хъайтарты, Тасойты Инал, Сталины уынгтыл æмæ Джиоты Аланы проспектыл.

Гуырахстджын велозгъорд уадзы къорд "Крути педали", мадзал аразынӕн сын ӕххуыс кӕнынц Мидхъуыддӕгты, Хъахъхъӕнынады ӕмӕ Ӕнӕниздзинадхъахъхъӕнынады министрадтӕ.

18
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16