Цхинвал

Нырма ӕрмӕстдӕр профилактикӕ: Коцты Марина Хуссар Иры арӕнӕвӕрдтӕ бакӕныны тыххӕй

12
(ранӕуӕггонд 14:27 22.06.2021)
Югосетпотребнадзоры сӕргълӕууӕг загъта йӕ хъуыды Уӕрӕсейы коронавирусӕй рынчынты нымӕцы фӕфылдӕры тыххӕй ӕмӕ загъта, куыд бандавдзӕн уый республикӕйы эпидемиологон уавӕрыл

ЦХИНВАЛ, 22 июн — Sputnik, Козаты Диана. Хуссар Ирыстоны сӕйраг санитарон дохтыр Коцты Марина банымадта республикӕйы эпидемиологон уавӕр стабилоныл. Уыимӕ иумӕ уый банысан кодта, Югосетпотребнадзоры сӕ хъус дарынц Уӕрӕсейы коронавирусӕй рынчынты нымӕцы фӕфылдӕрмӕ.

Уӕрӕсейы ӕрвылбон фылдӕр кӕнынц коронавирусӕй рынчынтӕ. Премьер-министр Михаил Мишустин фехъусын кодта, бӕстӕйы коронавирусы апарахаты уавӕр кӕй у уӕззау.

"Ныртӕккӕ эпидемиологон уавӕр Хуссар Ирыстоны территорийыл у стабилон. Фӕлӕ Уӕрӕсейы фылдӕр кӕны коронавирусӕй рынчынты нымӕц, ӕмӕ махӕн та ӕддагон дунеимӕ бастдзинад ис ӕрмӕстдӕр Уӕрӕсейы уылты. Ныр у отпуск ӕмӕ каникулты рӕстӕг, нӕ ӕмбӕстӕгтӕ ацӕуынц, гӕнӕн ис фӕрынчын уой ӕмӕ афтӕмӕй ӕрыздӕхой", - загъта Югосетпотребнадзоры сӕргълӕууӕг.

Коцты Марина банысан кодта, уый хынцгӕйӕ республикӕйы дӕр гӕнӕн ис кӕй фӕфылдӕр уа коронавирусӕй рынчынты нымӕц.

Марина Кочиева
© Sputnik / Наталья Айриян
Коцты Марина

"Уый фӕдыл хъӕуы ӕрымысын профилактикӕйы мадзӕлттӕ – маскӕты режим, массон мадзӕлттӕм ма цӕуын, хисӕрмагонд гигиенӕ. Мах хъуамӕ алцыдӕр саразӕм, цӕмӕй ма февзӕрдӕр уа эпидемиологон уавӕр", - бахахх кодта сӕйраг санитарон дохтыр.

Коцты Марина фидарӕй загъта, уагдон кӕй мониторинг кӕны уавӕр ӕрвылбон, ӕмӕ куы бахъӕуа, уӕд бакӕндзысты карантинон арӕнӕвӕрдтӕ.

Уыймӕ дарддӕр, уагдоны сӕргълӕууӕг ӕрсидт адӕммӕ, цӕмӕй саразой вакцинӕтӕ.

Коронавирусимӕ уӕззау уавӕр ис Цӕгат Ирыстоны дӕр. Регионы сӕргълӕууӕджы хӕстӕ ӕххӕстгӕнӕг Сергей Меняйло ӕрбалӕууын кодта республикӕйы цӕрджыты зӕрдӕтыл, кӕй хъӕуы саразын вакцинӕ ӕмӕ ӕххӕст кӕнын санитарон нормӕтӕ – кӕд ӕмӕ сӕ нӕ фӕнды ӕрыздӕхын карз карантинон мадзӕлттӕ.

"Кӕд уавӕр февзӕрдӕр уа, уӕд мах ӕрвитдзыстӕм республикӕмӕ ӕрцӕуӕггӕгты дыууӕкъуырион карантинмӕ. Мах нӕ фӕнды бакӕнын арӕнӕвӕрдтӕ, фӕлӕ мадзӕлттӕ хъӕуы исын ерын, цӕмӕй коронавирус ма апарахат уа", - бахахх кодта Меняйло.

Хуссар Ирыстоны дыццӕджы сбӕрӕг кодтой фондз ног рынчыны коронавирусӕй.

12
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

14
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

14
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

18
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

18
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау