Знауыраг харбызтæ

Хуссар Иры фермер ныфс дӕтты бынӕттон харбызы 20 тоннӕйы базармӕ раттынӕй

233
(ранӕуӕггонд 13:43 23.06.2021)
Хуссар Ирыстоны Знауыры районы цӕрӕг Бекъойты Гела гагадыргъы куыст райдыдта фондз азы размӕ, йӕ амалиуӕгадӕн уый равзӕрста бынӕттон уавӕрты хуыздӕр цы зайы, ахӕм тауинаг - Топган ӕмӕ Атаман

ЦХИНВАЛЫ, 23 июн — Sputnik, Плиты Фатимӕ. Хуссар Ирыстоны столицӕйы базармӕ ацы сезон Знауыры районы ӕркӕнгӕ харбыз хъавынц раттын 20 тоннӕйы бӕрц. Фермер Бекъойты Гела йӕ зӕххытыл ныссагъта 5 мины быны бӕрц гагадыргъ.

Хуссар Ирыстоны Знауыры районы цӕрӕг Бекъойты Гела гагадыргъы куыст райдыдта фондз азы размӕ, йӕ амалиуӕгадӕн уый равзӕрста бынӕттон уавӕрты хуыздӕр цы зайы, ахӕм тауинаг - Топган ӕмӕ Атаман.

"Фарон мын мӕ тыллӕг их ныццагъта. Фӕлӕ ацы аз хорз у мӕ цӕхӕрадон, фондз мин быны мын ис сагъд. Ӕнӕмӕнгӕй ӕнхъӕлмӕ кӕсын 20 тоннӕйы бӕрц харбызмӕ. Тыллӕг базармӕ хӕццӕ кӕндзӕн августы", - загъта амалиуӕггӕнӕг.

Цалдæр азы размæ Бекъойты Гела йæхи райста Сыбырæй æмæ æрыздæхт йæ райгуырæн бæстæм. Йæ хæлары амындмæ гæсгæ уый сфæнд кодта ныссадзын харбыз, фæлварæн разынд æнтыстджын. Гела бауырнын кодта скептиктæн, Хуссар Иры климаты дæр кæй ис æрзайын кæнӕнн хæрзад, адджын æмæ пайдаджын харбызтæ.

233
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

7
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

7
Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

8
(ранӕуӕггонд 13:10 20.10.2021)
Хуссарирыстойнаг ӕфсӕддонтӕ хайад исдзысты иумӕйаг ахуырты Абхазимӕ, кӕцы ауадзыны фӕдыл бадзырдтой сентябры дыууӕ бӕстӕйы президенттӕ

ЦХИНВАЛ, 20 окт - Sputnik. Хуссар Ирыстоны Хъахъхъӕнынады министрады сӕрмагонд нысаниуӕджы батальоны кусджытӕ ӕрцыдысты Абхазмӕ, цӕмӕй хайад райсой командон-штабон ахуырты, хъусын кӕны ӕртыццӕджы уагдоны пресс-службӕ.

Ӕфсӕддонтимӕ Абхазмӕ ӕрцыд делегаци РХИ Гарзджын тыхты Генштабы хистӕр Виктор Федоровы сӕргълӕудӕй.

Хъахъхъӕнынады министрады банысан кодтой, зӕгъгӕ, хуссарирыстойнаг ӕфсӕддонты хайадисты тыххӕй иумӕйаг ахуырты бадзырдтой дыууӕ бӕстӕйы Гарзджын тыхты командӕгӕнджытӕ, президенттӕ Бибылты Анатолий ӕмӕ Аслан Бжания.

"Националон ӕфсады ацы бадзырд райстой зӕрдиагӕй, кусджытӕ сӕхи хорз равдыстой цӕттӕкӕнынады этапы рӕстӕджы ӕмӕ активон хайад райсдзысты ахуырты", - бахахх кодтой уагдоны.

Уагдоны минӕвар радзырдта, ахуырты нывӕзты кӕй сты хӕстон ӕхстытӕ артиллери ӕмӕ авиацийы хайадистӕй.

Хуссар Ирыстоны хъахъхъӕнынады министр Гассеты Ибрагим банысан кодта, националон ӕфсады хайадист иумӕйаг ахуырты кӕй фӕфылдӕр кӕндзӕн фӕлтӕрддзинад ӕмӕ сфидар кӕндзӕн ӕфсӕддон хӕларад.

8