Турист

Хицауады сӕрдар радзырдта, куыд райтынг кӕндзысты Хуссар Иры туризмы фадыг

9
(ранӕуӕггонд 13:40 23.06.2021)
Хуссар Ирыстоны туризмы райрӕзтӕн хъӕуы комфорт ӕмӕ ӕдасдзинад, бахахх кодта Бекъойты Геннадий

ЦХИНВАЛ, 23 июн - Sputnik, Гӕбӕраты Элина. Хуссар Ирыстоны туристон маршруттыл сараздзысты Wi-Fi зонӕтӕ, цӕмӕй туристтӕн хӕххон бынӕтты дӕр уа фадат бахизын Хызӕгмӕ, фехъусын кодта йӕ интервьюйы Sputnik-ӕн республикӕйы хицауады сӕрдар Бекъойты Геннадий.

Уый банысан кодта, ахӕм зонӕтӕй иу кӕй фӕзындзӕн Къуыдаргомы.

"Мах сфидар кодтам ӕртӕ здӕхты, кӕцытӕм ӕввахс рӕстӕджы уыдзӕн уӕлдай хъусдард: хъӕууон-сӕудӕджерадон комплекс, туризм ӕмӕ рог ӕмӕ хойраджы индустрийы арӕзтад", - загъта Бекъойты Геннадий.

Хицауады сӕрдар бафтыдта, нырыккон дунейы тынг популярон кӕй сты бӕрзонд ӕфтауӕн аргъимӕ базайрӕгтӕ ӕмӕ IT-технологитӕ. Фӕлӕ нырма хъӕуы райдайын традицион къабӕзтӕй.

"Цӕмӕй нӕ бон у ӕрбаздахын туристты? Фыццаджыдӕр, мах хъӕуы инфраструктурӕ, экологион сыгъдӕг продукци, минералон ӕмӕ хосгӕнӕн дӕттӕ. Уагъд цӕуы куыст ӕртӕ республикон маршрутыл. Ацы нысӕнттӕн махмӕ хъуамӕ уа туристон агентад, улӕфджытимӕ кусдзӕн юридикон гоймаг", - загъта Бекъойты Геннадий.

Премьер-министр бахахх кодта, туризмы райрӕзтӕн кӕй хъӕуы комфорт ӕмӕ ӕдасдзинад.

"Ацы хъуыддаджы информацион здӕхтӕн дӕр ис стыр нысаниуӕг. Уӕрӕсейы Федерацийӕ туристтӕн хъӕуы фехъусын кӕнын, Хуссар Ирыстоны кӕй ис улӕфыны инфраструктурӕ, рӕсугъд ӕрдз, хосгӕнӕн уӕлдӕф ӕмӕ экологион сыгъдӕг продукттӕ. Ӕмӕ, сӕйраджыдӕр – ам у ӕдас, уымӕн ис ахсджиаг бынат ацы фарсты", - загъта Бекъойты Геннадий.

Министрты кабинеты сӕрдар ма банысан кодта, Хуссар Ирыстоны базарадон минӕварад Мӕскуыйы кӕй фӕцис куыст Хуссар Ирыстоны фӕндагамонӕгыл, кӕцы дзуапп дӕтты алы домӕнтӕ ӕмӕ нормӕтӕн. Фӕндагамонӕг ныммыхуыр кӕндзысты ацы сӕрды ӕмӕ йӕ апарахат кӕндзысты Уӕрӕсейы регионтыл. Бекъойты Геннадийы ныхӕстӕм гӕсгӕ, уый руаджы Хуссар Ирыстонмӕ ӕрбаздахдзысты фылдӕр туристты.

9
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

7
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

7
Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

8
(ранӕуӕггонд 13:10 20.10.2021)
Хуссарирыстойнаг ӕфсӕддонтӕ хайад исдзысты иумӕйаг ахуырты Абхазимӕ, кӕцы ауадзыны фӕдыл бадзырдтой сентябры дыууӕ бӕстӕйы президенттӕ

ЦХИНВАЛ, 20 окт - Sputnik. Хуссар Ирыстоны Хъахъхъӕнынады министрады сӕрмагонд нысаниуӕджы батальоны кусджытӕ ӕрцыдысты Абхазмӕ, цӕмӕй хайад райсой командон-штабон ахуырты, хъусын кӕны ӕртыццӕджы уагдоны пресс-службӕ.

Ӕфсӕддонтимӕ Абхазмӕ ӕрцыд делегаци РХИ Гарзджын тыхты Генштабы хистӕр Виктор Федоровы сӕргълӕудӕй.

Хъахъхъӕнынады министрады банысан кодтой, зӕгъгӕ, хуссарирыстойнаг ӕфсӕддонты хайадисты тыххӕй иумӕйаг ахуырты бадзырдтой дыууӕ бӕстӕйы Гарзджын тыхты командӕгӕнджытӕ, президенттӕ Бибылты Анатолий ӕмӕ Аслан Бжания.

"Националон ӕфсады ацы бадзырд райстой зӕрдиагӕй, кусджытӕ сӕхи хорз равдыстой цӕттӕкӕнынады этапы рӕстӕджы ӕмӕ активон хайад райсдзысты ахуырты", - бахахх кодтой уагдоны.

Уагдоны минӕвар радзырдта, ахуырты нывӕзты кӕй сты хӕстон ӕхстытӕ артиллери ӕмӕ авиацийы хайадистӕй.

Хуссар Ирыстоны хъахъхъӕнынады министр Гассеты Ибрагим банысан кодта, националон ӕфсады хайадист иумӕйаг ахуырты кӕй фӕфылдӕр кӕндзӕн фӕлтӕрддзинад ӕмӕ сфидар кӕндзӕн ӕфсӕддон хӕларад.

8