Хуссар Иры паддзахадон архив банысан кӕндзӕн йӕ 95 азы юбилей

Хуссар Иры паддзахадон архив банысан кӕндзӕн йӕ 95-азон юбилей

128
(ранӕуӕггонд 09:05 24.06.2021)
Сӕ профессионалон бӕрӕгбон цыппӕрӕмы нысан кӕынынц паддзахадон архивы 45 ӕмкусӕджы. Уыдон цытджын мадзӕлттӕм ӕрхуыдтой сӕ коллегӕты Цӕгат Кавказӕй

ЦХИНВАЛ, 23 июн — Sputnik, Плиты Фатимӕ. Хуссар Ирыстоны архивон службӕ цыппӕрӕмы, 24 июны нысан кӕны йӕ бындурӕвӕрды бон. 95-азон юбилейы фӕдыл цытджын мадзӕлттӕм хуынд цӕуынц сӕ коллегатӕ Цӕгат Ирыстонӕй ӕмӕ Ростовы областӕй.

Бӕрӕгбоны цытӕн сӕйраг мадзӕлттӕ ацӕудзысты Цхинвалы скъола-интернаты бӕстыхайы.

"Бацӕттӕ кодтам нывӕзт, ауадздзыстӕм цытджын мадзӕлттӕ. Ӕрхуыдтам нӕ коллегӕты Цӕгат Кавказӕй", - радзырдта Sputnik паддзахадон архивы директор Уалыты Валентина.

Ивгъуыд аз майы Хуссар Иры архивон службӕйы ӕрцыд реорганизаци. Уый рацарӕзтой централон бюджетон уагдонмӕ, кӕцыйы скондмӕ Знауыр, Ленингор ӕмӕ Дзауы районты администрацитӕй ракодтой архивон службӕты.

"Реорганизацийы фӕстӕ паддзахадон архивон службӕйы скондмӕ районтӕй бацыд ӕхсӕз адӕймаджы. Ныр архивон службӕйы сконды ӕмткӕй кусы 49 адӕймаджы", - бафтыдта уый.

Архивы разамонӕг ма радзардта, 2008 азы гуырдзиаг-ирон хӕст цы зиан ӕрхаста, ууыл.

"2008 азы фӕстӕ тынг бирӕ адӕм цыд нӕ службӕмӕ, уымӕн ӕмӕ бирӕтӕ фесӕфтой сӕ исад ӕмӕ хӕдзӕртты гӕххӕттытӕ. Архивон гӕххӕттытимӕ уый бӕрц архайдтам ӕмӕ ӕрцыдысты ӕдзӕллаг уавӕрмӕ. Уӕд мах аскъуыддзаг кодтам саразын электрон базӕ иууыл арӕх кӕмӕй пайда кӕнӕм, уыцы ӕрмӕгӕн", - мысы Уалыты Валентина.

Архивон службӕйы разамонӕг ма ӕрдзырдта сӕ проблемӕтыл. Афтӕ ммӕ службӕйӕн нӕй документтӕ дарынӕн сӕрмагонд уавӕртӕ, ис сӕм квалификацигонд кадрты цухдзинад.

128
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

7
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

7
Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

8
(ранӕуӕггонд 13:10 20.10.2021)
Хуссарирыстойнаг ӕфсӕддонтӕ хайад исдзысты иумӕйаг ахуырты Абхазимӕ, кӕцы ауадзыны фӕдыл бадзырдтой сентябры дыууӕ бӕстӕйы президенттӕ

ЦХИНВАЛ, 20 окт - Sputnik. Хуссар Ирыстоны Хъахъхъӕнынады министрады сӕрмагонд нысаниуӕджы батальоны кусджытӕ ӕрцыдысты Абхазмӕ, цӕмӕй хайад райсой командон-штабон ахуырты, хъусын кӕны ӕртыццӕджы уагдоны пресс-службӕ.

Ӕфсӕддонтимӕ Абхазмӕ ӕрцыд делегаци РХИ Гарзджын тыхты Генштабы хистӕр Виктор Федоровы сӕргълӕудӕй.

Хъахъхъӕнынады министрады банысан кодтой, зӕгъгӕ, хуссарирыстойнаг ӕфсӕддонты хайадисты тыххӕй иумӕйаг ахуырты бадзырдтой дыууӕ бӕстӕйы Гарзджын тыхты командӕгӕнджытӕ, президенттӕ Бибылты Анатолий ӕмӕ Аслан Бжания.

"Националон ӕфсады ацы бадзырд райстой зӕрдиагӕй, кусджытӕ сӕхи хорз равдыстой цӕттӕкӕнынады этапы рӕстӕджы ӕмӕ активон хайад райсдзысты ахуырты", - бахахх кодтой уагдоны.

Уагдоны минӕвар радзырдта, ахуырты нывӕзты кӕй сты хӕстон ӕхстытӕ артиллери ӕмӕ авиацийы хайадистӕй.

Хуссар Ирыстоны хъахъхъӕнынады министр Гассеты Ибрагим банысан кодта, националон ӕфсады хайадист иумӕйаг ахуырты кӕй фӕфылдӕр кӕндзӕн фӕлтӕрддзинад ӕмӕ сфидар кӕндзӕн ӕфсӕддон хӕларад.

8