Шахматтӕ

Хуссар Иры шахматты федераци хоны Ӕмдзӕринмӕ турнирмӕ

26
(ранӕуӕггонд 14:57 23.06.2021)
Гуырахстджын спортивон мадзалмӕ ацӕудзысты шахматон скъола "Белая ладья"-йы ахуырдзаутӕ, призтыл тох кӕндзысты цъинагайраг сывӕллӕттӕ дӕр

ЦХИНВАЛ, 23 июн — Sputnik, Плиты Фатимӕ. Хуссар Ирыстоны Ленингоры районы Цъинагары (Ӕмдзӕрин)  фыццаг хатт ацӕудзӕн ӕгъау шахматон турнир сывӕллӕтты хсӕн. Спортивон мадзал цӕуы Ирыстоны ацы къуымы шахматтӕ ноджы раразмӕ кӕнынӕн, фехъусын кодта Sputnik Федерацийы разамонӕг Саулохты Георгий. Ерысты ӕнхъӕлмӕ кӕсынц 30 спортсменмӕ.

"Фыццаг хатт уадзӕм ахӕм форматы шахматты ерыстӕ - ӕрыгон спортсментӕ ӕрымбырд уыдзысты Ленингоры районы Цъинагары хъӕумӕ. Ерыстӕ цӕудзысты сабаты, 26 июны ", - загъта Саулохты Георгий.

Фӕстаг ӕзты Хуссар Ирыстоны шахматты спорт размӕ цӕуы. Ӕрӕджы столицӕйы конд ӕрцыд шахматон скъола "Белая ладья", кӕцы цыбыр ӕмгъуыдмӕ аразы стыр къахдзӕфтӕ.

"Турниры архайджыты нымӕцы фылдӕр бӕрцӕй уыдзысты  шахматон скъолайы ахуырдзаутӕ. Иумӕйаг сисгӕйӕ ам цӕттӕ кӕны 60 чысыл спортсмены", - бафтыдта уый.

Федерацийы разамонӕг ма бафтыдта, Цъинагары скъолайы директор Гусоты Ласкъо тынг архайы шахматты спорты райрӕзтыл.

"Сӕ сывӕллӕттӕй ӕртӕ расгуыхтысты ӕрӕджы республикӕйы турниры. Директор тынг размӕ кӕны шахматты спорт ӕмӕ мах дӕр йӕ фарсмӕ балӕууыны нысанӕн аразӕм ацы турнир", - бахахх кодта Саулохты Георгий.

Мадзалы организатортӕ сты Шахматты Федераци, шахматон скъола "Белая ладья" ӕмӕ Цъинагары астӕуккаг скъола.

26
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

7
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

7
Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

8
(ранӕуӕггонд 13:10 20.10.2021)
Хуссарирыстойнаг ӕфсӕддонтӕ хайад исдзысты иумӕйаг ахуырты Абхазимӕ, кӕцы ауадзыны фӕдыл бадзырдтой сентябры дыууӕ бӕстӕйы президенттӕ

ЦХИНВАЛ, 20 окт - Sputnik. Хуссар Ирыстоны Хъахъхъӕнынады министрады сӕрмагонд нысаниуӕджы батальоны кусджытӕ ӕрцыдысты Абхазмӕ, цӕмӕй хайад райсой командон-штабон ахуырты, хъусын кӕны ӕртыццӕджы уагдоны пресс-службӕ.

Ӕфсӕддонтимӕ Абхазмӕ ӕрцыд делегаци РХИ Гарзджын тыхты Генштабы хистӕр Виктор Федоровы сӕргълӕудӕй.

Хъахъхъӕнынады министрады банысан кодтой, зӕгъгӕ, хуссарирыстойнаг ӕфсӕддонты хайадисты тыххӕй иумӕйаг ахуырты бадзырдтой дыууӕ бӕстӕйы Гарзджын тыхты командӕгӕнджытӕ, президенттӕ Бибылты Анатолий ӕмӕ Аслан Бжания.

"Националон ӕфсады ацы бадзырд райстой зӕрдиагӕй, кусджытӕ сӕхи хорз равдыстой цӕттӕкӕнынады этапы рӕстӕджы ӕмӕ активон хайад райсдзысты ахуырты", - бахахх кодтой уагдоны.

Уагдоны минӕвар радзырдта, ахуырты нывӕзты кӕй сты хӕстон ӕхстытӕ артиллери ӕмӕ авиацийы хайадистӕй.

Хуссар Ирыстоны хъахъхъӕнынады министр Гассеты Ибрагим банысан кодта, националон ӕфсады хайадист иумӕйаг ахуырты кӕй фӕфылдӕр кӕндзӕн фӕлтӕрддзинад ӕмӕ сфидар кӕндзӕн ӕфсӕддон хӕларад.

8