Леуахи

Хуссар Иры премьер радта къорд хӕлӕвӕрды экологон уавӕр фӕхуыздӕр кӕныны фӕдыл

8
(ранӕуӕггонд 12:16 24.06.2021)
"Югосетпотребнадзор"-ы сӕргълӕууӕг Коцты Маринайы ныхӕстӕм гӕсгӕ, азӕй-азмӕ республикӕйы ӕрдзы уавӕр кӕны ӕвзӕрӕй ӕвзӕрдӕр, ӕмӕ уыцы хъуыддаджы ахсджиаг роль ис кондадон ӕмӕ фӕлхасон ӕвзарӕнтӕн

ЦХИНВАЛ, 24 июн - Sputnik. Хуссар Ирыстоны цӕрӕн пунктты санитарон-гигиенӕйон уавӕры фӕдыл рабадты хицауады сӕрдар Бекъойты Геннадий радта хӕслӕвӕрдтӕ республикӕйы экологийы проблемӕтӕ аскъуыддзаг кӕныны тыххӕй.

Сӕйраг санитарон дохтыр Коцты Марина куыд банысан кодта, афтӕмӕй азӕй-азмӕ республикӕйы ӕрдзы уавӕр кӕны ӕвзӕрӕй ӕвзӕрдӕр, ӕмӕ уыцы хъуыддаджы ахсджиаг роль ис кондадон ӕмӕ фӕлхасон ӕвзарӕнтӕн.

"Югосетпотребнадзор"-ы комитеты специалисттӕ ӕрвылаз дӕр сгарынц ӕппӕт республикӕйы цӕрӕн пунктты санитарон-гигиенӕйон уавӕр. Цӕстдардон мадзӕлтты фӕлгӕтты рабӕрӕг вӕййынц санэпидемиологион домӕнты фехӕлдтӕ", - загъта уый.

Коцты Маринайы ныхӕстӕм гӕсгӕ, районтӕй канализацион системӕтӕ кӕм нӕй, уыдоны цӕрджытӕ сӕ хӕдзӕртты хӕрзарӕзты рӕстӕджы канализацион ӕмӕ цардуагон хӕтӕлтӕ саразынц дӕттӕм, науӕд та мӕрмӕ.

Ӕрдзы ахӕм чъизикӕнынад та ӕвзӕрырдӕм ӕндавы эпидемиологион уавӕрыл ӕмӕ расайы алыгъуызон инфекцион низтӕ адӕмы хсӕн, бафтыдта дохтыр.

Министрты кабинеты сӕргълӕууӕг Бекъойты Геннадий бахӕс кодта районон администрациты хистӕртӕ ӕмӕ "Водоканал"-ӕн саразын анализ канализацион системӕтӕ ӕмӕ сыгъдӕггӕнӕн амаддзагтӕн, афтӕ ма банымайын ӕрдз сыгъдӕг кӕныны тыххӕй уӕлӕмхас уавӕртӕ саразыны хӕрдзтӕ. Уымӕй дарддӕр ма уый бахӕс кодта арӕзтады министрадӕн бацӕттӕ кӕнын мадзӕлтты нывӕзт канализацион системӕ ӕмӕ ӕхсӕнты биологион сыгъдӕггӕнӕн арӕзтӕдты фӕдыл ӕмӕ йӕ бавдисын хицауадмӕ 9 июлы онг.

Уымӕй дарддӕр ма "Водоканал"- сӕргълӕууӕгӕн бахӕсгонд ӕрцыд цыбыр ӕмгъуыдмӕ аскъуыддзаг кӕнын столицӕйы микрорайон "Хурзӕрин"-мӕ канализацион хӕтӕлтӕ бауадзыны фарст ӕмӕ базонгӕ кӕнын хицауады уыцы куысты фӕстиуджытимӕ.

"Нӕ алфӕмблай ӕрцы ӕдасдзинад у паддзахады иумӕйаг сагъӕс ӕмӕ мах хъуамӕ ӕппӕт дӕр саразӕм ӕппӕрццаг фӕстиуджытӕ аиуварс кӕнынӕн. Коммуникацион хӕтӕлтӕн хъӕуы саразын иумӕйаг мониторинг ӕмӕ уый фӕстӕ исдзыстӕм ӕмбӕлон скъуыддзӕгтӕ", - банысан кодта Бекъойты Геннадий.

Геологи, экологи ӕмӕ ӕрдзӕй пайдакӕнынады комитеты сӕргълӕууӕг Бестауты Бала дӕр радзырдта цӕугӕдон Стыр Леуахийы былгӕрӕтты экологион уавӕры тыххӕй.

 

8
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16