Ходы Камал

Бӕллыд иугонд Ирыстонмӕ: йӕ цардӕй ахицӕн поэт Ходы Камал

22
(ранӕуӕггонд 15:05 24.06.2021)
Ирыстоны фысджыты ӕмсӕрдар Хъазиты Мелитон радзырдта йӕ мысинӕгтӕ РСО-Аланийы Адӕмон поэт, Хетӕгкаты Къоста ӕмӕ "Нарты фӕткъуыйы" премиты лауреат, цмгатирыстойнаг республикӕйы кады зарӕджы автор Ходы Камалы тыххӕй

ЦХИНВАЛ, 24 июн - Sputnik, Гӕбӕраты Элина. Ирыстоны Адӕмон поэт, фыссӕг, публицист, тӕлмацгӕнӕг, критик, ирон фысджыты цӕдисы ӕмсӕрдар Ходы Камал 80-аздзыдӕй ахицӕн йӕ цардӕй ӕртыццӕджы, 23 июны, дӕргъвӕтин рынчыны фӕстӕ.

Ходы Камал у ирон ӕвзагыл дӕсгай поэтикон ӕмбырдгондты, аивадон тӕлмацты ӕмӕ критикон уацты автор.

Йе мбӕлттӕ ӕмӕ 'ввахс адӕм поэты мысынц, куыд патриоты, кӕцы пропагандӕ кодта мадӕлон ӕвзаг ӕмӕ национ традицитӕ.

"Адӕймаджы царды сӕйраг бонтӕ вӕййынц ӕртӕ: куы райгуыры, уӕд, стӕй адӕмы хсӕн иууыл стырдӕр хъуыддаг куы саразы, уӕд, ӕмӕ ӕртыккаг та - фӕстаг хӕрзбон куы зӕгъы уӕлион адӕмӕн, уӕд. Уый иуӕйагӕй сисгӕйӕ. Фӕлӕ ис ахӕм адӕймӕгтӕ, кӕцытӕн вӕййы ӕрмӕстдӕр райгуырӕн бон ӕмӕ хорздзинӕдтӕ аразӕн бонтӕ. Мӕлӕн бон сын нӕй. Уый хауы Камалмӕ дӕр", - банысан кодта Ирыстоны фысджыты ӕмсӕрдар хъазиты Мелитон.

Уый бахахх кодта, зӕгъгӕ, Ирыстоны ӕмӕ ирон адӕмы хсӕн йӕ ном сыгъзӕрин дамгъӕтӕй чи ныффыста, уыдон фыццӕгтӕй иу уыд Ходы Камал.

"Камалы ӕз базыдтон ивгъуыд ӕнусы 70-ӕм азты, студенттӕ ма куы уыдыстӕм, уӕд. Уый ахуыр кодта Мӕскуыйы литинституты ӕмӕ ардӕм ӕрцыд цыдӕр хъуыддаджы фӕдыл. Уӕдӕй фӕстӕмӕ йыл мӕ зӕрдӕ никуы фӕхудтис. Камал нӕ дих кодта ирӕтты хуссар ӕмӕ цӕгаттӕгтыл, ахӕмтӕ йӕм нымады дӕр никуы уыдысты. Ортъеуаг чызджы бауарзта ӕмӕ уыимӕ фӕцардысты хъӕрмудӕй", - мысы Хъазиты Мелитон.

Камал Ходов
Ирыстоны фысджыты æмсæрдæрттæ Хъазиты Мелитон æмæ Ходы Камал РЦИ-А раздæры сæргълæууæг Битарты Вячеславимæ

Хуссар Ирыстоны хъарм ахаст дардтой Ходы Камалмӕ, 2016 азы Цхинвалы ацыд йӕ 75-азон юбилейы цытӕн мадзал.

Ходы Камал райгуырд Цӕгат Ирыстоны Зæронд Бæтæхъойы хъӕуы 1941-æм азы. 1970 азы Мæскуыйы каст фæци Горькийы номыл литературон институт. Уæдæй фæстæмæ фæкуыста бирæ бæрнон бынæтты. 2019 азы хорзæхджын æрцыд РЦИ-А уæлдмр хорзæх - орден "Ирыстоны кад"-æй.

22
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

14
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

14
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

18
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

18
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау