Цхинвалы цӕрӕг сылгоймаг фервӕзын кодта сабийы

Цхинвайлаг сылгоймаг фервӕзын кодта сабийы. Уый схорзӕхджын кодтой УУМ майданӕй

24
(ранӕуӕггонд 15:53 25.06.2021)
Цхинвалы цӕрӕг сылгоймаг доны мидӕг сӕры хъуынты резинкӕ куы федта, уӕд бамбӕрста, чызг кӕй фӕдӕлдон ис

ЦХИНВАЛ, 25 июн - Sputnik. Цхинвалы "ЗАГС"-ы хайады сӕйраг специалист Къундухты Аксанайы схорзӕхджын кодтой Уӕлвӕткон уавӕрты министрады (УУМ) майданӕй ссывӕллоны фӕврӕзын кӕныны тыххӕй донӕй, хъусын кӕны Хуссар Ирыстоны юстицийы министрады пресс-службӕ. Майдан "Цард фервӕзын кӕныны тыххӕй" радтой столицӕйы ЗАГС-ы бӕрӕгбонты залы.

Дменисы хъӕуы доны цур 20 июны йӕ бинонтимӕ улӕфыдис 2011 азы гуырд Абайты Анна. Чызг дӕлдон кӕнын куы райдыдта, уӕд ӕй мӕлӕтӕй фервӕзын кодта Къундухты Аксана.

"Цӕстӕйфенджыты ныхӕстӕм гӕсгӕ, уым уыд бирӕ адӕм, фӕлӕ ӕрмӕстдӕр Къундухты Аксана уыцы момент нӕ фӕтыхст ӕмӕ баххуыс кодта сывӕллонӕн. Ахӕм хъайтарты тыххӕй махӕн ис Майдан, кӕцы мах абон радтам уымӕн", - загъта УУМ сӕргълӕууӕг Цоциты Азӕмӕт.

  • Цхинвалы цӕрӕг сылгоймаг фервӕзын кодта сабийы
    Цхинвалы цӕрӕг сылгоймаг фервӕзын кодта сабийы
    Минюст РЮО
  • Цхинвалы цӕрӕг сылгоймаг фервӕзын кодта сабийы
    Цхинвалы цӕрӕг сылгоймаг фервӕзын кодта сабийы
    Минюст РЮО
  • Цхинвалы цӕрӕг сылгоймаг фервӕзын кодта сабийы
    Цхинвалы цӕрӕг сылгоймаг фервӕзын кодта сабийы
    Минюст РЮО
1 / 3
Минюст РЮО
Цхинвалы цӕрӕг сылгоймаг фервӕзын кодта сабийы

Къундухты Аксана загъта бузныг хъарм ныхӕсты тыххӕй ӕмӕ радзырдта ацы цауы тыххӕй.

"Кӕцыдӕр уысм ӕз фехъуыстон хъӕр "чызг аныгъуылд".  Фӕйнӕрдӕм акастӕн, фӕлӕ нӕ федтон никӕй ныгъуылгӕ. Уый фӕстӕ доны федтон сӕры хъуынты резинкӕ ӕмӕ бамбӕрстон, чызг кӕй фӕдӕлдон ис. Ӕз уайтагъд багӕпп кодтон йӕ фӕстӕ, фӕлӕ фыццаг хатт ӕй не ссардтон. Ӕмӕ ӕрмӕст дыккаг хатт куы багӕпп кодтон доны, уӕд мын бантыст рахӕссын чызджы донбылмӕ", - радзырдта Къундухты Аксана.

Сывӕллоны ирвӕзынгӕнӕгӕн Абайты Мыккаджы номӕй бузныг загъта Абайты Таймураз.

"Алчи нӕ бауӕндыдаид саразын афтӕ, фӕлӕ Аксана ӕрбацыд ӕххуысмӕ, ӕмӕ уый фӕстӕ бахызт нӕ бинонты скондмӕ. Мӕ цӕст йын уарзы стыр ӕнтыстытӕ царды", - загъта уый.

Уӕлвӕткон уагдоны сӕргълӕууӕг Цоциты Азӕмӕт ногӕй ӕрсидт республикӕйы цӕрджытӕм, цӕмӕй арӕхстджындӕр уой ӕрдзы улӕфыны рӕстӕджы.

24
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16