Хуссар Иры президент схорзӕхджын кодта ХПАУ ректор Темираты Викторы Кады Орденӕй

Хуссар Иры президент схорзӕхджын кодта ХПАУ ректор Темираты Викторы Кады Орденӕй

8
(ранӕуӕггонд 11:38 30.06.2021)
Республикӕйы сӕргълӕууӕг дыццӕджы бацыд Хӕххон Паддзахадон аграрон университеты адӕмон кафты сгуыхт ансамбль "Горец"-ы концертмӕ Цхинвалы

ЦХИНВАЛ, 30 июн - Sputnik. Хуссар Ирыстоны президент схорзӕхджын кодта Кады Орденӕй Хӕххон Паддзахадон аграрон университеты (ПХАУ) ректор ТемиратыВикторы, хъусын кӕны республикӕйы сӕргълӕууӕджы пресс-службӕ.

Дыццӕджы Цхинвалы Хетӕгкаты Къостайы номыл паддзахадон театры ацыд адӕмон кафты сгуыхт ансамбль "Горец"-ы концерт. Мадзалмӕ фӕуазӕг сты республикӕйы къухдариуӕгад ӕмӕ ахуырадон уагдоны минӕвӕрттӕ ректоры сӕргълӕудӕй.

Бибылты Анатолий бузныг загъта уазджытӕн диссаджы ралӕуды тыххӕй ӕмӕ банысан кодта, Кавказы зынтӕй кӕй разындзӕн ӕндӕр ахуырадон уагдон, цы ран уӕвы ахӕм ӕвӕзадыл ансамбль.

Концерты кӕронбӕттӕны президент Темираты Викторы схорзӕхджын кодта Кады Орденӕй йӕ хайбавӕрды тыххӕй адӕмты хсӕн хӕларад райтынг кӕнынмӕ, бӕрзондквалификацион кадртӕ цӕттӕ кӕнынмӕ, афтӕ ма 70-ӕм райгуырӕн боны цытӕн.

Ансамблӕн бындур ӕрӕвӕрдӕуыд 1961 азы. Коллективӕн ныр 30 азы дӕргъы къухдариуӕгад дӕтты РЦИ-А Адӕмон артист Ӕлборты Юрий.

8
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16