Диабеты скъола

"Диабеты скъола" Къуаисайы: эндокринологтӕ ауагътой горӕты цӕрджытӕн фыццаг лекци

16
(ранӕуӕггонд 12:13 01.07.2021)
Республикӕйы Ӕнӕниздзинад хъахъхъӕнынады министрады проект райдыдта майы кӕрӕтты Дзауы районы. Диабетӕй рынчынтӕн лекцитӕ нывӕндынц ауадзын Хуссар Ирыстоны алкӕцы районы дӕр

ЦХИНВАЛ, 1 июл - Sputnik. "Диабеты скъола"-йы фӕлгӕтты фыццаг лекци бафарстой Хуссар Ирыстоны горӕт Къуаисайы цӕрджытӕн 29 июны, хъусын кӕны республикӕйы Ӕнӕниздзинад хъахъхъӕнынады министрады пресс-службӕ.

Проект, кӕцы здӕхт у сӕкӕры диабетӕй рынчынтӕн низы тыххӕй информаци дӕттынмӕ, фыццаг хатт среализаци кодтой Дзауы районы майы кӕрӕтты.

Къуаисайы хыгъдыл лӕууынц 39 пациенты, уыдонӕй 25-ӕй фылдӕр ӕрбацыдысты лекцимӕ. Сӕкӕры диабеты фӕдыл фарстытӕн дзуапп дӕтта дохтыр эндокринолог Беройты Моника, лекцийы ма хайад иста Ӕнӕниздзинад хъахъхъӕнынады министрады сӕйраг ӕнӕштатон эндокринолог Быценты Индира.

"Адӕмӕн, кӕцытӕн ис сӕкӕры диабет, скъолайы фӕлгӕтты фехъусын кодтой ахсджиаг моменттӕ, кӕцытӕ баст сты низимӕ. Беройты Моника радзырдта пациенттӕн диабеты рӕстӕджы куыд хъӕуы цӕрын, инсулин куыд хъӕуы аразын ӕмӕ ӕндӕр ахсджиаг аспекттыл", - дзырдӕуы уагдоны хъусинаджы.

"Диабеты скъола"-йы фӕлгӕтты 1 июлы фыццаг лекци бафӕрсдзысты Знауыры поселочы цӕрджытӕн дӕр.

16
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16