Юстицийы министрад райста чингуыты фыццаг парти

Хуссар Иры ахӕстӕттӕн аразынц библиотекӕ. Юстицийы министрад райста чингуыты фыццаг парти

14
(ранӕуӕггонд 13:15 01.07.2021)
Чингуыты егъау парти ӔӔУ радта культурӕйы министрад. Уагдоны сӕргълӕууӕг банысан кодта, радон партийы та кӕй уыдзысты ирон ӕвзагыл рауагъдтӕ

ЦХИНВАЛ, 1 июл – Sputnik. Хуссар Ирыстоны культурӕйы министрад радта чингуытӕ юстицийы министрадӕн, кӕцытӕй сараздзысты уагдоны ӕфхӕрдтӕ ӕххӕстгӕнӕн управленийӕн (ӔӔУ) библиотекӕ. Юстицийы министрады куыд фехъусын кодтой, афтӕмӕй библиотекӕйӕ пайда кӕндзысты ахӕстӕттӕ.

Уагдоны сӕргълӕууӕг Лалыты Зӕлинӕ ахӕм лӕвары тыххӕй бузныг загъта йӕ коллегӕ, культурӕйы министр Зассеты Жаннайӕн ӕмӕ банысан кодта, библиотекӕ саразыны сӕйраг нысан кӕй у закон фехалӕг ӕмбӕстӕгты ресоциализаци.

"Абон нын фыццаг хатт ӕрбахастой чингуыты егъау парти. Мӕ хъуыдымӕ гӕсгӕ, уый у хорз райдиан ӕмӕ мах дарддӕр хъӕзныгдӕр кӕндзыстӕм нӕ библиотекӕ. Процесс уал райдыдта", - загъта юстицийы министрады сӕргълӕууӕг.

Зассеты Жанна дӕр бахахх кодта, культурӕйы министрад дарддӕр дӕр кӕй ӕххуыс кӕндзӕн ӕфхӕрдтӕ ӕххӕстгӕнӕн управленийӕн сӕ библиотекӕйон фонд баххӕст кӕныны хъуыддаджы.

"Абон уын цы чингуытӕ радтам, уыдонӕй иу дӕр ӕвзӕр нӕу, се хсӕн ис бирӕ ног чингуытӕ. Ныртӕккӕ ӕнхъӕлмӕ кӕсӕм ирон ӕвзагыл чингуыты рауагъдмӕ ӕмӕ хъӕуы бакусын уыдон раттыныл дӕр, уымӕн ӕмӕ ахӕстӕттӕй бирӕтӕ кӕсынц ирон литературӕ". - загъта уый.

Передача книг для библиотечного фонда УИН Минюста РЮО
Министерство юстиции РЮО
Передача книг для библиотечного фонда УИН Минюста РЮО

Юстицийы министрады банысан кодтой, зӕгъгӕ, ахӕстоны чиныг у ӕмбӕстӕгты ахуырадон ӕмӕ культурон ӕмвӕзад фӕбӕрзонддӕр кӕныны фӕрӕзтӕй иу.

14
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16