Автомат Калашниковы нӕмгуытӕ

Хуссар Иры милицийы кусджытӕ ссардтой кӕлӕддзаг агъуысты автоматы цалдӕр сӕдӕ нӕмыджы

6
(ранӕуӕггонд 15:44 05.07.2021)
Хӕстӕрмӕджытӕ ссардӕуыд оперативон-профилактикон мадзӕлтты рӕстӕджы. Республикӕйы МХМ куыд банысан кодтой, афтӕмӕй нӕмгуытӕ арвыстой экспертизӕмӕ

ЦХИНВАЛ, 5 июл - Sputnik. Милицийы кусджытӕ Хуссар Ирыстоны ссардтой Цхинвалы районы Додоты хъӕуы автомат Калашниковы цалдӕр сӕдӕ нӕмыджы, сӕ нымӕцы 330 иуӕджы 5,45 миллиметры калибры ӕмӕ 40 иуӕджы ты7,62 миллиметр калибры, хъусын кӕны къуырисӕры МХМ пресс-службӕ.

"Милицийы кусджытӕ хӕстӕрмӕджытӕ ссардтой кӕлӕддзаг мӕнгагъуысты. Нӕмгуытӕ ӕрвыст ӕрцыдысты экспертизӕмӕ", - банысан кодтой МХМ.

Криминогенон уавӕр

Барадхъахъхъӕнӕг уагдоны ма радзырдтой ивгъуыд къуырийы дӕргъы республикӕйы криминогенон уавӕры тыххӕй. Уыцы период, МХМ бӕрӕггӕнӕнтӕм гӕсгӕ, Хуссар Ирыстоны ӕрцыд цыппар фыдракӕнды, уыдон иууылдӕр рабӕрӕг кодтой мидхъуыддӕгты министрады кусджытӕ. Алыгъуызон ӕхсӕнадон фӕткхӕлдты тыххӕй ӕрурӕдтой республикӕйы дыууӕ ӕмбӕстаджы, уыдонӕй иуӕн тӕрхондон аскъуыддзаг кодта административон ӕфхӕрд.

Къуырийы дӕргъы республикӕйы фӕндӕгтыл ӕрцыд дыууӕ аварийы, уыдон фӕстиуӕгӕн цыппар адӕймаджы райстой буары цӕфтӕ. Хъыгдардбаййафджытӕй ӕртӕйы медицинон ӕххуысы фӕстӕ ауагътой хӕдзӕрттӕм, иуы та бахъуыд госпитализаци, бамбарын кодтой уагдоны.

Уымӕй дарддӕр ПАИ кусджытӕ срегистраци кодтой иу къуыримӕ фӕндагон змӕлды фӕткы 214 фехӕлды. Ӕртӕ шофыры ныхмӕ бакондӕуыд административон протоколтӕ хӕтдулгӕ нозтджынӕй скъӕрыны тыххӕй.

6
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

14
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

14
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

18
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

18
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау