Ӕлборты Динайы зиан

Хуссар Иры фӕстаг хӕрзбон загътой политолог Ӕлборты Динайӕн

7
(ранӕуӕггонд 15:39 06.07.2021)
Политолог ӕмӕ ӕхсӕнадон архайӕг йӕ цардӕй ахицӕн 49-аздзыдӕй. Уый йе 'нусон дунемӕ афӕндараст кӕнынымӕ ӕрбацыдысты сӕдӕгай адӕм

ЦХИНВАЛ, 6 июл - Sputnik, Гӕбӕраты Элина. Хуссар Ирыстоны фӕстаг хӕрзбон загътой политолог ӕмӕ ӕхсӕнадон архайӕг Ӕлборты Динайӕн. Уый куыста ХИПУ политологи ӕмӕ социологийы кафедрӕйы, бирӕ ӕзты дӕргъы хъахъхъӕдта республикӕйы интерестӕ ӕхсӕнадӕмон фӕзуӕттыл. Ӕппынӕдзух тырныдта дунейон ӕхсӕнадӕн рӕстдзинад фехъусын кӕнынмӕ.

Похороны Дины Алборовой
© Sputnik / Natalia Airiyan
Ӕлборты Динайы зиан

Динайы йе 'нусон дунемӕ афӕндараст кӕнынымӕ ӕрбацыдысты сӕдӕгай адӕм - республикӕйы ӕхсӕнад ӕмӕ къухдариуӕгады минӕвӕрттӕ, се 'хсӕн президент Бибылты Анатолий. Уый банысан кодта, Ӕлборты Дина кӕй уыд бӕрзонд моралон ӕмӕ монон принципты адӕймаг.

"Динайӕн уыд стыр ӕмӕ сыгъдӕг зӕрдӕ. Уымӕн кӕддӕриддӕр уыд ӕрмӕстдӕр йӕхи позици, кӕцы кӕйдӕрты зӕрдӕмӕ цыд, кӕйдӕрты зӕрдӕмӕ та нӕ цыд. Фӕлӕ йӕ хъуыддӕгтӕ иууылдӕр баст уыдысты Ирыстоны хӕрзӕбонимӕ. Мах-иу бирӕ ныхас кодтам, быцӕу дӕр-иу кодтам, ӕмӕ уыл алыхатт дӕр дзырдта рӕстдзинад, дзырдта, цы хъуыды кодта, уый. Ахӕм гоймӕгтӕ та алыхатт дӕр баззайынц адӕмы зӕрдӕты", - банысан кодта бӕстӕйы сӕргълӕууӕг.

Тӕссаг низӕй, адарддӕр кодта Бибылты Анатолий, кӕцы аскъуыдта бирӕ цардбӕллон удтӕ, хи бахъахъхъӕнӕн ис ӕрмӕст вакцинацийы руаджы. Уый ӕрсидт цӕрджытӕм бӕрнондӕрӕй бацӕуын уыцы фарстмӕ.

Похороны Дины Алборовой
© Sputnik / Natalia Airiyan
Ӕлборты Динайы зиан

ХИПУ-йы ректор Тедеты Вадим бахахх кодта, Ӕлборты Динайы амӕлӕтӕй республикӕ кӕй фесӕфта иттӕг хорз политолог ӕмӕ диссаджы хӕларзӕрдӕ адӕймаджы.

Цхинвалы бирӕпрофилон колледжы директор, Динайы хӕлар Козаты Лира ӕрымысыд, иумӕ-иу бирӕ ӕхсӕнадӕмон мадзӕлтты кӕй истой хайад ӕмӕ уый ӕппынӕдзух кӕй тох кодта рӕстдзинадыл.

"Дина ахӕм зондджын ӕмӕ хӕларзӕрдӕ уыд, ӕмӕ йын цыт кодтой ӕгӕрыстӕмӕй не 'знӕгтӕ дӕр. Дина уыд Хуссар Ирыстоны информацион блокадӕйы локомотив. Дина йӕ райгуырӕн бӕстӕйӕн уыйбӕрц хорздзинӕдтӕ сарӕзта, ӕмӕ сыл исч куы бакусид, уӕд сӕ рауаид диссаджы цымыдисон истори", - загъта Козаты Лира.

Уый фыдохы митинджы рӕстӕджы бакаст бирӕнымӕц тӕфӕрфӕсы телтӕ, кӕцытӕ фӕстаг бонты ӕрӕрвыстой дунейы алы къуымтӕй.

Похороны Дины Алборовой
© Sputnik / Natalia Airiyan
Ӕлборты Динайы зиан

Ӕлборты Дина йӕ цардӕй ахицӕн 49-аздзыдӕй коронавирусы фӕстиуджытӕй. Баззад ын дыууӕ чысыл сабийы ӕмӕ ацӕргӕ ныййарджытӕ.

7
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

14
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

14
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

18
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

18
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау