Хуссар Иры арӕзтады министрады радзырдтой ӕдасдзинады техникӕйы тыххӕй арӕзтадон фӕзуӕттыл

Хуссар Иры арӕзтады министрады радзырдтой ӕдасдзинады техникӕйы тыххӕй арӕзтадон фӕзуӕттыл

12
(ранӕуӕггонд 12:37 07.07.2021)
Арӕзтадон организациты минӕвӕрттӕ радзырдтой, куыд ӕххӕст цӕуынц ӕдасдзинады мадзӕлттӕ республикӕйы арӕзтадон фӕзуӕттыл, цӕмӕй ма 'рцӕуой ӕнамонд цаутӕ

ЦХИНВАЛ, 6 июл — Sputnik, Хъуылымбегты Азӕмӕт. Арӕзтадон объектыл цӕмӕй ӕнамонд цау ма ‘рцӕуа, уый тыххӕй хъӕуы бӕрнон ахаст дарын кусӕгон процессы организацимӕ ӕмӕ ӕххӕст кӕнын ӕдасдзинады техникӕ, фехъусын кодта Sputnik республикӕйы арӕзтады министрады минӕвар Къацты Сослан.

Арӕзтадон фӕзуӕттыл кусджытӕ арӕх нӕ ӕххӕст кӕнынц ӕдасдзинады фӕтктӕ, уый та ӕркӕны ӕнамонд цаутӕм, кӕцытӕ зиан ӕрхӕссынц кусӕджы ӕнӕниздзинадӕн, афтӕ ма ӕруромынц куыст объектыл.

Ивгъуыд къуыри Хуссар Ирыстоны цӕрӕджы бакодтой РБМЦ-мӕ буары цӕфтимӕ, кӕцытӕ уый райста ӕнамонд цауы рӕстӕджы горӕты арӕзтадон объекттыл иуыл.

Къацты Сосланы ныхӕстӕм гӕсгӕ, алкӕцы арӕзтадон фӕзуаты дӕр хъуамӕ уа ӕмбонд, цӕмӕй ӕнамонд цаутӕ ма ‘рцӕуой фистӕг бӕлццонтыл.

"Кусӕг, кӕцы фехӕлдта ӕдасдзинады фӕтктӕ, зиан хӕссы ӕрмӕст йӕхицӕн нӕ, фӕлӕ ма ӕндӕр аразджытӕн дӕр", - радзырдта министрады минӕвар.

Къацты Сослан банысан кодта, ӕдасдзинады техникӕ ма ӕххӕст кӕныны тыххӕй арӕзтадон объекты хицауы гӕнӕн ис фӕивар кӕной, байсой йын йӕ лицензи ӕви йӕ ӕркӕной уголовон бӕрндзинадмӕ.

Арӕзтадон организаци СТМ-ЮГ-ы сӕйраг инженер Хъантеты Таймураз загъта Sputnik, алкӕцы арӕзтадон объектыл дӕр ис ӕдасдзинады техникӕйы журнал.

"Адӕймаг куыстмӕ куы ӕрбацӕуы, уӕд рацӕуы инструктаж объекты хистӕрӕй. Алкӕцы кусӕг дӕр ӕрвыл квартал ногӕй рацӕуы инструктаж", - загъта Хъантеты Таймураз.

12
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

14
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

14
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

18
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

18
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау