Къуаиса

Къуаисайы иуварс кӕнынц доны хаххыл авари

19
(ранӕуӕггонд 10:51 07.07.2021)
Горӕт Къуаисайы цӕрджытӕ социалон хызӕгты куыд хъусын кӕнынц, афтӕмӕй тӕрккъӕвдайы рӕстӕджы резервуармӕ дон цы хаххыл цӕуы, уый сӕхгӕдтой зырдуртӕ

ЦХИНВАЛ, 7 июл — Sputnik, Плиты Фатимӕ. Хуссар Ирыстоны Къуыдаргомы Цӕрӕн-Коммуналон хӕдзарады кусджытӕ иуварс кӕнынц тӕрккъӕвдайы фӕстиуджытӕ, кӕцытӕ бахъыгдардтой доны хахх Везур-Къуаисайы куыст.

Горӕт Къуаисайы цӕрджытӕ социалон хызӕгты куыд хъусын кӕнынц, афтӕмӕй тӕрккъӕвдайы рӕстӕджы резервуармӕ дон цы хаххыл цӕуы, уый сӕхгӕдтой зырдуртӕ.

"Сӕ иу хай сын расыгъдӕг кодтой, аннӕ хай ссыгъдӕг кӕндзысты, доны ӕмвӕзад куы фӕныллӕгдӕр уа, уӕд. Резервуармӕ дон сӕрибарӕй кӕй нӕ цӕуы, уый тыххӕй ӕййафӕм доны цухдзинад", - фыссынц социалон хызӕгты пайдагӕнджытӕ.

Хъуыддаг ма къуыхцы кӕны, уӕззау уавӕрты кусын кӕй хъӕуы, уый дӕр.

"Горӕты Цӕрӕн-Коммуналон хӕдзарады кусджытӕ сӕ разамонӕг Хуыгаты Аланимӕ иумӕ их доны кусынц, цӕмӕй радтой дон горӕтмӕ. Кӕдфӕндыдӕр сӕ ныфс бавӕрӕн ис", - ныффыста йӕ фарсыл Къуаисайы цӕрӕг Тедеты Индира.

19
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16