Къостайы хъæуы нæзытæ

Хус кæнынц æнæдонæй: Къостайы хъæуы цæрджытæ курынц скверы нæзытæм хъусдард аздахын

30
(ранӕуӕггонд 12:12 08.07.2021)
Бӕлӕстӕ сагъд æрцыдысты цалдӕр азы размӕ. Фæлæ сæм фæстаг рæстæджы хъусдард кæй нал ис, уымӕ гӕсгӕ нӕзытӕ хус кӕнын райдыдтой

ЦХИНВАЛ, 7 июл - Sputnik, Дриаты Лейла. Цхинвалы районы Цъунары хъæуы, гениалон поэт Хетæгкаты Къостайы бæрæгбон кæм фæнысан кæнынц, уыцы скверы ӕнӕркастӕй хус кӕнынц хихджын бӕлӕсты талатӕ.

Хвойные деревья в селе Хетагурово
© Sputnik / Лейла Дираева
Къостайы хъæуы нæзытæ

Бӕлӕстӕ сагъд æрцыдысты цалдӕр азы размӕ. Æвзонг тала ныссадзыны фæстæ хъуамæ хорз зылд æййафа, сæ алыварс сын фæхъæуы фæлмæн кæнын, фæлæ иууыл сæйрагдæр та вæййы уыдон донæй æфсадын. Уыдон канд æрдзы рæсугъддзинадӕн не сты, фæлæ ма адæймаджы æнæниздзинадыл дæр æндавынц хæрзæрдæм.

Фæлæ сæм фæстаг рæстæджы хъусдард кæй нал ис, уымӕ гӕсгӕ нӕзытӕ хус кӕнын райдыдтой.

"Бæласмæ кæддæриддæр хъæуы æмбæлон хъусдард здахын, цæмæй мæрæй иса фаг уымæлад æмæ уа цæрдхъом. Хъыгагæн, алы аз дæр хус рæстæг ахæссы æмæ мæр нал æфсæды къæвдайы донæй. Уыцы згъуыд баххæст кæнынæн та иууыл хуыздæр амал у донхæры донæй сæм фæкæсын, фæлæ агротехникæйы уыцы хæрзиуæгæй дæр сты цух", - зæгъынц Къостайыхъæуы цæрджытæ.

Донцухӕй бӕлӕстӕн хус кæнынц сæ къалиутæ, фæлæ сæ бахсæдыныл хъуыды дæр ничи кæны. Къостайы хъӕуы цӕрджытӕ курынц бӕлӕстӕм кӕсыны куыст кӕй бӕрны ис, уыдонӕй, цӕмӕй хъуыддаг рараст кæныны тыххæй райсой æмбæлон мадзæлттæ.

30
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16