Отец Иаков

Фыд Иаков Сыгъдӕг Петр ӕмӕ Февронияйы боны тыхӕй: аргъуыд ӕмкъайад вӕййы фидардӕр

27
(ранӕуӕггонд 11:34 08.07.2021)
Хуссар Иры рӕстдинонтӕ нысан кӕнынц сыгъдӕг Петр ӕмӕ Февронияйы бон - уарзондзинад, иузӕрдиондзинад ӕмӕ бинонты бон. Уый цытӕн Алайнаг епархийы сӕйраг кувӕндоны ацӕудзӕн Хуыцаумӕ скуывдтӕ

ЦХИНВАЛ, 8 июл — Sputnik, Плиты Фатимӕ. Хуссар Ирыстоны рӕстдинонтӕ нысан кӕнынц сыгъдӕг Пётр ӕмӕ Февронияйы бон - адӕм ӕй хонынц уарзондзинад, иузӕрдиондзинад ӕмӕ бинонты бон.

Алайнаг епархийы динамонӕг Фыд Иаковы (Хетӕгкаты) ныхӕстӕм гӕсгӕ, дыууӕ сыгъдӕг уд Петр ӕмӕ Февронияйы цардвӕндаг, кӕцытӕ баиу сты вазыгджын фӕндӕгтыл рацӕугӕйӕ, ссис хъӕрмуд бинонты дӕнцӕг.

"Динамонджытӕ амонынц, нӕлгоймаг ӕмӕ сылгоймаг, кӕцытӕ саразынц бинонтӕ уарзондзинадӕй, кӕй райсынц Хуыцауы хорзӕх. Раздӕр бинонтӕ цардысты ӕнӕ тӕригъӕдӕй. Бинонты 90 проценты абон пырх кӕнынц аборттӕ. Уыдӕттӕ куы нӕ ма уыд, уӕд адӕм кӕрӕдзийыл уыдысты ӕнувыд, бинонты цард уыд ӕнгом. Ныр та ӕмкъайады аргъуыд чи исы, уыдон дӕр тӕрсынц ахицӕнӕй", - дзуры фыд Иаков.

Динамонӕг бинонты хъӕрмуд цард бары чысыл аргъуанимӕ.

"Адӕймаг иунӕгӕй хъуамӕ ма цӕра, афтӕ домы Библи. Бинонты райгуырдӕн ис Хуыцауы хорзӕх. Бинонты нывыл цард у чысыл аргъуан. Хорз бинонты цы зӕнӕг схъомыл вӕййынц, уыдон дӕр стӕй скӕнынц аккаг бинонтӕ", - бафтыдта уый.

Фыд Иаковы фиппаинӕгтӕм гӕсгӕ, дзуарӕфтыд цы ӕмкъайад райсы, уый вӕййы фидардӕр. Стӕй ма аккаг бинонтӕ сты паддзахады бындур.

"Дзуарӕфтыд цы ӕмкъӕйттӕ райсынц, уыдон вӕййынц зонгӕ динон культурӕимӕ, вӕййы ахӕмтӕ, кӕцытӕн бамбарын кӕнӕм йӕ мидис. 15 азы дӕргъы ӕрцыдтӕн ахӕм хъуыдымӕ: аргъуыд бинонтӕ стӕмдӕр хатт ахицӕн вӕййынц - райсынц Хуыцауы арфӕ. 2 сахаты ахӕссы церемони ӕмӕ дзы алы дзырд дӕр вӕййы ног бинонты хӕрзбонӕн. Дыккаг хатт аргъуан ӕмкъайад нал фидар кӕны, фӕлӕ стӕм хатт ратты разыдзинад", - бахахх кодта уый.

Уарзондзинад, иузӕрдиондзинад ӕмӕ бинонты боны цытӕн Алайнаг епархийы сӕйраг кувӕндоны ацӕудзӕн Хуыцаумӕ скуывдтӕ.

27
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

14
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

14
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

18
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

18
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау