Фонтан

Хуссар Иры сӕйраг фонтаны куыст ӕрнывыл уыдзӕн йӕ сфидары фӕстӕ

28
(ранӕуӕггонд 17:16 12.07.2021)
Йӕ ӕнӕкъӕм куыстӕн хъӕуы цыппар кусӕджы ӕмӕ ӕдзух финансон ифтонгад

ЦХИНВАЛ, 12 июл — Sputnik, Плиты Фатимӕ. Столицӕйы сӕйраг фонтаны фонотека рауӕрӕх уыдзӕн йӕ бюджет фидар куы рцӕуа, йӕ ӕнӕкъӕм куыст та ифтонг кӕндзӕн цыппар адӕймаджы бӕрц, фехъусын кодта Sputnik паддзахадон унитарон куыстуат "Водоканал"-ы хистӕр Цхуырбаты Алан.

Театралон фӕзуатыл уӕвӕг республикӕйы иууыл стырдӕр фонтан скусын кодтой ацы аз сӕрды, фӕлӕ нырма ӕдзух ӕмӕ ӕххӕст гуырахстӕй нӕ кусы.

"Водоканал басгӕрста ифтонгад ӕмӕ сахуыр кодтой объект. Фонтаны куыстмӕ ӕппынӕдзух хъӕуы кусджытӕ цыппары онг", - радзырдта хистӕр.

Фонтан ныридӕгӕн "кафы" цыппар мелодимӕ, дзуры Цхуырбаты Алан,

"Йӕ аивзӕлты нымӕц дӕр сты ӕрмӕст цалдӕр, сӕ нымӕцы ирон ӕмӕ фӕсарӕйнагтӕ. Сӕ рауӕрӕх кӕнынӕн хъӕуы ног программӕтӕ балхӕнын", - бафтыдта уый.

Йӕ ныхӕстӕм гӕсгӕ, кӕд пандемийы аххосӕй уавӕр нӕ фӕкарздӕр уа, уӕд фонтаны куыст ӕрнывыл уыдзӕн.

28
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

7
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

7
Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

8
(ранӕуӕггонд 13:10 20.10.2021)
Хуссарирыстойнаг ӕфсӕддонтӕ хайад исдзысты иумӕйаг ахуырты Абхазимӕ, кӕцы ауадзыны фӕдыл бадзырдтой сентябры дыууӕ бӕстӕйы президенттӕ

ЦХИНВАЛ, 20 окт - Sputnik. Хуссар Ирыстоны Хъахъхъӕнынады министрады сӕрмагонд нысаниуӕджы батальоны кусджытӕ ӕрцыдысты Абхазмӕ, цӕмӕй хайад райсой командон-штабон ахуырты, хъусын кӕны ӕртыццӕджы уагдоны пресс-службӕ.

Ӕфсӕддонтимӕ Абхазмӕ ӕрцыд делегаци РХИ Гарзджын тыхты Генштабы хистӕр Виктор Федоровы сӕргълӕудӕй.

Хъахъхъӕнынады министрады банысан кодтой, зӕгъгӕ, хуссарирыстойнаг ӕфсӕддонты хайадисты тыххӕй иумӕйаг ахуырты бадзырдтой дыууӕ бӕстӕйы Гарзджын тыхты командӕгӕнджытӕ, президенттӕ Бибылты Анатолий ӕмӕ Аслан Бжания.

"Националон ӕфсады ацы бадзырд райстой зӕрдиагӕй, кусджытӕ сӕхи хорз равдыстой цӕттӕкӕнынады этапы рӕстӕджы ӕмӕ активон хайад райсдзысты ахуырты", - бахахх кодтой уагдоны.

Уагдоны минӕвар радзырдта, ахуырты нывӕзты кӕй сты хӕстон ӕхстытӕ артиллери ӕмӕ авиацийы хайадистӕй.

Хуссар Ирыстоны хъахъхъӕнынады министр Гассеты Ибрагим банысан кодта, националон ӕфсады хайадист иумӕйаг ахуырты кӕй фӕфылдӕр кӕндзӕн фӕлтӕрддзинад ӕмӕ сфидар кӕндзӕн ӕфсӕддон хӕларад.

8