РХИ Ленингоры районы ӕфснайынц тыллӕг: бынӕттон фермертӕн баххуыс кодтой ног техникӕйӕ

© Пресс-служба администрации Ленингорского районаХуссар Иры ӕфснайӕн компани
Хуссар Иры ӕфснайӕн компани - Sputnik Хуссар Ирыстон, 1920, 14.07.2021
Рафыссын
Цъинагары зонӕмӕ хор ӕфснайӕн комбайнӕй дарддӕр арвитдзысты техникӕйы ноджы иу иуӕг – хос ӕфснайӕн комбайн

ЦХИНВАЛ, 14 июл – Sputnik, Гӕбӕраты Элина. Ленингоры районы Цъинагары зонӕйы фермертӕн райдыдтой ӕфснайӕн период. Районы администрацийы пресс-службӕ куыд хъусын кӕны, афтӕмӕй аграритӕ ӕфснайынц тыллӕг.

"Ацы аз хорз боныгъӕды руаджы ис хъӕздыг тыллӕг. Аграриты кусӕгон бон райдайы райсом раджы ӕмӕ адарддӕр вӕййы изӕрмӕ. Ӕфснайӕн куыстыты архайы ног комбайн "Ростсельмаш" дӕр, кӕцы районӕн ивгъуыд къуыри радта хъӕууон хӕдзарады министрад", - банысан кодта пресс-секретарь Кокойты Анжела.

Ног техникӕ, Кокойты Анжелайы ныхӕстӕм гӕсгӕ, ӕнтыстджын ӕфснайд кӕны хоры культурӕтӕ.

© Пресс-служба администрации Ленингорского районаХуссар Иры ӕфснайӕн компани
РХИ Ленингоры районы ӕфснайынц тыллӕг: бынӕттон фермертӕн баххуыс кодтой ног техникӕйӕ - Sputnik Хуссар Ирыстон, 1920, 14.07.2021
Хуссар Иры ӕфснайӕн компани

"Раздӕр арендатортӕ ӕнхъӕлмӕ кастысты сӕ радмӕ, цӕмӕй сӕм бахӕццӕ уа хъӕууонхӕдзарадон техникӕ, фӕлӕ сӕ ныр уырны, нырыккон техникӕйы руаджы рӕстӕгыл кӕй ӕрӕмбырд кӕндзысты тыллӕг. Бригадир Габеты Хвичайы ныхӕстӕм гӕсгӕ, ног техникӕйыл бирӕ ӕнцондӕр у кусын. Уый загъта бузныг республикӕйы къухдариуӕгад ӕмӕ районы сӕргълӕууӕг Гулиты Владимирӕн арендатортӕм уӕлдай хъусдарды тыххӕй", - загъта уый.

© Пресс-служба администрации Ленингорского районаХуссар Иры ӕфснайӕн компани
РХИ Ленингоры районы ӕфснайынц тыллӕг: бынӕттон фермертӕн баххуыс кодтой ног техникӕйӕ - Sputnik Хуссар Ирыстон, 1920, 14.07.2021
Хуссар Иры ӕфснайӕн компани

Пресс-секретарь бафтыдта, зӕгъгӕ, ног комбайнимӕ иумӕ ӕфснайӕн куыстыты архайынц комбайнтӕ, кӕцытӕ уый размӕ радтой районӕн. Иу къуыримӕ фермертӕ бафснайдтой хоры культурӕты 60 гектары.

"Фермертӕ сӕхӕдӕг куыд банысан кодтой, афтӕмӕй ацы аз уыдон раздӕр фӕуыдзысты куыстытӕ. Ацы бонты Цъинагары зонӕмӕ арвитдзысты техникӕйы ноджы иу иуӕг – хос ӕфснайӕн комбайн" – загъта Кокойты Анжела.

Ног хабӕртты лентӕ
0