Бибылты Анатолий бабӕрӕг кодта РБМЦ

Хуссар Иры президент сарӕзта уӕрӕсейаг вакцинӕ "Спутник V"-йы дыккаг компонент

15
(ранӕуӕггонд 14:48 16.07.2021)
Паддзахады сӕргълӕууӕг фыццаг компонент сарӕзта июны кӕрӕтты. РБМЦ балцы рӕстӕджы ма президент ӕрдзырдта Ӕнӕниздзинад хъахъхъӕнынады министрады ӕмӕ медицинон центры къухдариуӕгадимӕ коронавирусӕй рынчынты хоскӕнынад ӕмӕ вакцинацийы кампанийы тыххӕй

ЦХИНВАЛ, 16 июл - Sputnik. Хуссар Ирыстоны президент Бибылты Анатолий майрӕмбоны бацыд республикон бирӕпрофилон медицинон центрмӕ (РБМЦ) ӕмӕ сарӕзта уӕрӕсейаг вакцинӕ "Спутник V"-йы дыккаг компонент, афтӕ ма ӕрдзырдта Ӕнӕниздзинад хъахъхъӕнынады министрады ӕмӕ медицинон центры къухдариуӕгадимӕ коронавирусӕй рынчынты хоскӕнынад ӕмӕ вакцинацийы кампанийы тыххӕй. Уый тыххӕй фехъусын кодта паддзахады сӕргълӕууӕджы пресс-службӕ.

"Президент 25 июны сарӕзта уӕрӕсейаг вакцинӕ "Спутник V". Абон та Бибылты Анатолий сарӕзта коронавирусы ныхмӕ прививкӕйы дыккаг компонент", - банысан кодтой пресс-службӕйы.
Анатолий Бибилов посетил РММЦ
© Пресс-служба президента РЮО
Бибылты Анатолий бабӕрӕг кодта РБМЦ

Ӕнӕниздзинад хъахъхъӕнынады министр Наниты Сосланы ныхӕстӕм гӕсгӕ, фӕстаг дыууӕ-ӕртӕ къуыри фӕфылдӕр ис вакцинайы процесс.

"Абон онг вакцинаци рацыдысты 669 адӕймаджы. Дӕ фӕдзӕхстмӕ гӕсгӕ, мах нызаказ кодтам уӕлӕмхасӕн вакцинӕтӕ, сӕ нымӕцы уыдзӕн иукомпонентон вакцина "Спутник Лайт". Прививкӕты кабинет кусы боны фыццаг сахаты онг, сӕ нымӕцы улӕфт ӕмӕ бӕрӕгбонон бонты дӕр", - радзырдта министр паддзахады сӕргълӕууӕгӕн.
Анатолий Бибилов посетил РММЦ
© Пресс-служба президента РЮО
Бибылты Анатолий бабӕрӕг кодта РБМЦ

"Адӕм райдыдтой ӕмбарын вакцинацийы ахсджиагдзинад. Мӕ хъуыдымӕ гӕсгӕ, фыццаджыдӕр, вакцинанци хъуамӕ рацӕуой дохтыртӕ, уымӕн ӕмӕ уыдон куы фӕрынчын уой, уӕд аннӕ пациенттӕн ничиуал хос кӕндзӕн", - банысан кодта Бибылты Анатолий.

Баныхасы рӕстӕджы республикон соматикон рынчындоны сӕйраг дохтыр Быценты Индира банхъардта саразын сабат кусӕгон бон Югосетпотребнадзорӕн дӕр.

"Пациенттӕ, кӕцытӕ нӕм ӕрбацӕуынц майрӕмбоны, ӕнхъӕлмӕ кӕсынц къуырисӕры онг, цӕмӕй саразой тест коронавирус рабӕрӕг кӕныны фӕдыл. Уый та у ӕгӕр бирӕ рӕстӕг", - загъта уый.

Хуссар Ирыстоны фӕстаг бонты фылдӕр кӕны коронавирусӕй рынчынкӕнынад, республикӕмӕ ӕрцыд COVID-19-ы дыккаг уылӕн. Оперативон штабы скъуыддзагмӕ гӕсгӕ, алкӕцы уагдоны дӕр рекомендаци кӕнынц сӕвӕрын "бахизӕн фильтр" тӕвд барынимӕ, бакӕнын маскӕты ӕмӕ дезинфекцион режим. Афтӕ ма хистӕртӕн куыстӕй ссӕрибар кӕныны бар ис ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Ӕнӕниздзинад хъахъхъӕнынады министрадӕн бахӕс кодтой бацӕттӕ кӕнын медицинон уагдӕттӕ пациентты райсынмӕ.

15
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

14
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

14
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

18
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

18
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау